Sanu
2021 വർഷത്തെ ഏറ്റവും മികച്ച ഗോൾ ആരുടേതായിരിക്കും?.. ഫിഫ നൽകുന്ന ഏറ്റവും മികച്ച ഗോളിനുള്ള ഫിഫ പുസ്കാസ് അവാർഡിന്റെ 2021-ലെ ഫൈനലിസ്റ്റുകളെ ഫിഫ പ്രഖ്യാപിച്ചു. ജനുവരി 17-ന് ഫിഫയുടെ ആസ്ഥാനമായ സ്വിറ്റ്സർലൻഡിലെ സൂറിച്ചിൽ വെച്ച് നടക്കുന്ന ചടങ്ങിലാണ് 2021-ലെ ഫിഫയുടെ അവാർഡുകൾ നൽകുന്നത്.
ഗോളിന്റെ പ്രാധാന്യമോ മത്സരത്തിന്റെ നിലവാരമോ പരിഗണിക്കാതെ, ഏറ്റവും മനോഹരമായ ഗോളിനാണ് ഈ അവാർഡ് നല്കപ്പെടുന്നത്. 2021 ഫിഫ പുസ്കാസ് അവാർഡിന്റെ ഫൈനലിസ്റ്റുകളായ മൂന്നു താരങ്ങൾ ഇവരാണ് – എറിക് ലമേല, പാട്രിക് ഷിക്ക്, മഹ്ദി ടെറാമി.
– എറിക് ലമേല (ടോട്ടൻഹാം ഹോട്സ്പർ vs ആഴ്‌സനൽ)
ഇംഗ്ലീഷ് പ്രീമിയർ ലീഗിൽ ആഴ്സലിനെതിരായി നടന്ന മത്സരത്തിൽ ടോട്ടൻഹാം ഹോട്സ്പറിന് വേണ്ടി നേടിയ വളരെ മനോഹരമായ റബോണ കിക്ക് ഗോളാണ് എറിക് ലമേലയുടേത്.
– പാട്രിക് ഷിക്ക് (ചെക്ക്‌ റിപ്പബ്ലിക് vs സ്കോട്ലാൻഡ്)
ഈ വർഷം നടന്ന യൂറോ കപ്പ് 2020 ടൂർണമെന്റിലെ ഏറ്റവും മികച്ച ഗോളിനുള്ള അവാർഡ് നേടിയത് പാട്രിക് ഷിക്കിന്റെ ഈ ഗോളാണ്. സ്കോട്ലാൻഡിനെതിരായ യൂറോ കപ്പ് മത്സരത്തിലാണ് ചെക്ക്‌ റിപ്പബ്ലികിന് വേണ്ടി മൈതാന മധ്യത്തിൽ നിന്ന് പാട്രിക് ഷിക്ക് മികച്ച ഒരു ലോങ് റേഞ്ച് ഗോൾ നേടുന്നത്.
– മെഹ്‌ദി ടെറാമി (പോർട്ടോ എഫ്. സി vs ചെൽസി)
ഈ വർഷത്തെ യുവേഫ ചാമ്പ്യൻസ് ലീഗ് മത്സരത്തിൽ ചെൽസിക്കെതിരെ പോർട്ടോ എഫ്.സി താരം മെഹ്‌ദി ടെറാമി നേടിയ കണ്ണഞ്ചിപ്പിക്കുന്ന ഒരു ബൈസികിൽ കിക്ക് ഗോളാണ് 2021 ഫിഫ പുസ്കാസ് അവാർഡിന്റെ ഫൈനലിസ്റ്റുകളായി തിരഞ്ഞെടുക്കപ്പെട്ട മൂന്നു ഗോളുകളിലൊന്ന്.
