ഫിബ്രുവരിയില് നടക്കാനിരിക്കുന്ന ഐപിഎല് മെഗാലേലത്തിന് ഒരുങ്ങുകയാണ് ഫ്രാഞ്ചൈസികള്. ഏതൊക്കെ കളിക്കാരെ വേണമെന്നും ആരെയൊക്കെ ലേലത്തില് പിന്തുടരണമെന്നുമുള്ള തന്ത്രങ്ങള്ക്ക് ടീമുകള് രൂപം നല്കുകയാണ്. ഫ്രാഞ്ചൈസികള് ഒഴിവാക്കിയ മുന്നിര കളിക്കാര്ക്കു വേണ്ടിയായിരിക്കും ലേലത്തില് പ്രധാനമായും മത്സരം നടക്കുക. ഇക്കൂട്ടരില് പ്രമുഖനാണ് സിഎസ്കെയുടെ കളിക്കാരനായിരുന്ന ദീപക് ചാഹര്.സിഎസ്കെയ്ക്കുവേണ്ടി ഒട്ടേറെ മത്സരങ്ങളില് ഗംഭീര പ്രകടനം നടത്തിയ താരമാണ് ദീപക് ചാഹര്.
- ഗൗതം ഗംഭീർ IPL ലേക്ക് തിരിച്ചെത്തുന്നു, പുതിയ റോൾ ലക്നൗ ടീമിനൊപ്പം!
- ഈ ആറ് സൂപ്പർ താരങ്ങളെ ചെന്നൈ സ്വന്തമാക്കിയത് അടിസ്ഥാന വിലയ്ക്ക്?
- ഇരുപത് ലക്ഷത്തിൽ നിന്നും കോടികളുടെ ബമ്പർ റിട്ടൻഷനിൽ നേട്ടം കൊയ്ത ‘പുതുമുഖങ്ങൾ’
- അടുത്ത വർഷം വരുന്ന മെഗാ ലേലത്തിൽ മുംബൈ നിലനിർത്തേണ്ട മൂന്ന് താരങ്ങളെ പ്രഖ്യപിച്ചു സെവാഗ്!!പ്രമുഖ താരങ്ങളെ പലരെയും ഒഴുവാക്കണം എന്ന് സെവാഗ്..
- നോക്കൗട്ടുകളിൽ ഇത്രയും മികവ് വേറാർക്കും ഇല്ല. മിസ്റ്റർ IPL തന്നെ നോക്കൗട്ടുകളിലും രാജാവ്.
ഐപിഎല്ലില് ഇതുവരെയായി 63 മത്സരങ്ങളില് ചാഹര് കളിച്ചപ്പോള് 59 വിക്കറ്റുകളും സ്വന്തമാക്കി. ഐപിഎല് 2021ല് 15 കളികളില് സിഎസ്കെയ്ക്കുവേണ്ടി ഇറങ്ങിയ ചാഹര് 14 വിക്കറ്റുകളാണ് നേടിയത്. സിഎസ്കെയ്ക്ക് ഒരിക്കല്ക്കല്ക്കൂടി ഐപിഎല് കിരീടം നേടിക്കൊടുത്തെങ്കിലും ടീം നിലനിര്ത്തിയ കളിക്കാരില് ചാഹര് ഉള്പ്പെട്ടിട്ടില്ല.മികച്ച ഇന്ത്യന് പേസറിനെ തേടുന്ന സണ്റൈസേഴ്സ് ഹൈദരാബാദ് ചാഹറിനായി മെഗാലേലത്തില് രംഗത്തുണ്ടാകുമെന്നാണ് റിപ്പോര്ട്ട്.
കഴിഞ്ഞ സീസണില് ഏറ്റവും മോശം പ്രകടനം നടത്തിയ ഹൈദരാബാദ് ഇക്കുറി വമ്പന് മാറ്റങ്ങളുമായാണ് എത്തുന്നത്. പരിശീലക സംഘത്തില് വിന്ഡീസ് ഇതിഹാസം ബ്രയാന് ലാറയെ ഉള്പ്പെടുത്തിയതിലൂടെ ഹൈദരാബാദ് ലക്ഷ്യമാക്കുന്നത് കിരീടനേട്ടം തന്നെയായിരിക്കും. സന്ദീപ് ശര്മയും ഭുവനേശ്വര് കുമാറും ഹൈദരാബാദ് വിടുമ്പോള് പകരം ചാഹറിനെ എത്തിക്കാന് സാധിച്ചാല് ടീമിന് നേട്ടമാകുമെന്നാണ് വിലയിരുത്തല്.
ചാഹറിനെ പോലൊരു പേസറെ റോയല് ചാലഞ്ചേഴ്സ് ബാംഗ്ലൂരും ലക്ഷ്യമാക്കുന്നു. മുഹമ്മദ് സിറാജ് ഉള്പ്പെടുന്ന ആര്സിബി സംഘത്തില് ചാഹര് കൂടി ചേരുകയാണെങ്കില് അത് ടീമിന് നല്കുന്ന മേല്ക്കൈ വലുതായിരിക്കും. പുതിയ പന്തില് വിസ്മയം കാട്ടാന് കഴിവുള്ള താരമാണ് ചാഹറെന്നതും ആര്സിബിക്ക് നേട്ടമാകും. മുന് ക്യാപ്റ്റന് വിരാട് കോലിയുടെ പ്രിയം പിടിച്ചുപറ്റിയ കളിക്കാരന് കൂടിയാണ് ചാഹര്.പുതിയ ടീമുകളായ അഹമ്മദും ലക്നൗവും ചാഹറിനെ നോട്ടമിട്ടുകഴിഞ്ഞിട്ടുണ്ട്. അരങ്ങേറ്റത്തില് തന്നെ മികവുകാട്ടാന് ഒരുങ്ങുന്ന ടീമുകളാണിവ.
അതുകൊണ്ടുതന്നെ ഇന്ത്യയുടെ ഏറ്റവും മികച്ച കളിക്കാരെ സ്വന്തമാക്കുകയായും ഇവരുടെ ലക്ഷ്യം. തുടക്കക്കാരായതിനാല് ആരാധകരുടെ പിന്തുണയ്ക്കുവേണ്ടി ദേശീയ ടീമില് കളിക്കുന്ന കളിക്കാരെ എത്തിക്കാനും ഇവര് ശ്രമം നടത്തുമെന്നുറപ്പ്. അതേസമയം, താരത്തെ നിലനിര്ത്തിയിട്ടില്ലെങ്കിലും ലേലത്തിലൂടെ ചാഹറിനെ തിരികെ സ്വന്തമാക്കാന് സിഎസ്കെയും സജീവമായുണ്ടാകുമെന്നാണ് റിപ്പോര്ട്ട്.