വിരമിക്കൽ പ്രഖ്യാപനം നടത്തി റയുഡു, ചെന്നൈ മാനേജ്മെന്റ് ഇടപെട്ട് പ്രഖ്യാപനം പിൻവലിച്ചു..

കുറച്ചു മണിക്കൂർ മുന്നേയാണ് ഒരു ട്വീറ്റ് പോസ്റ്റ് ചെയ്തുകൊണ്ട്, റായിഡു രംഗത്ത് എത്തിയത്.”ഇത് എന്റെ അവസാന ഐ‌പി‌എൽ ആയിരിക്കുമെന്ന് പ്രഖ്യാപിക്കുന്നതിൽ എനിക്ക് സന്തോഷമുണ്ട്. 13 വർഷമായി കളിക്കുകയും 2 മികച്ച ടീമുകളുടെ ഭാഗമാകുകയും ചെയ്തതിൽ എനിക്ക് അഭിമാനമുണ്ട്. ചെന്നൈക്ക്‌ മുംബൈക്കും താൻ നന്ദി പറയുന്നു.

എന്നാൽ മുപ്പത് മിനിറ്റിനുള്ളിൽ അദ്ദേഹം ട്വീറ്റ് പിൻവലിച്ചു. ചെന്നൈ സൂപ്പർ കിംഗ്‌സ് മാനേജ്‌മെന്റ് റായിഡുവുമായി സംസാരിച്ചതായും തുടർന്ന് ട്വീറ്റ് പിൻവലിച്ചതായും ഇഎസ്‌പിഎൻ ക്രിക്ക്‌ഇൻഫോ വ്യക്തമാക്കി.ഇതാദ്യമായല്ല റായിഡു വിരമിക്കൽ തീരുമാനം പിൻവലിക്കുന്നത്.

2019-ൽ, 2019 ഏകദിന ലോകകപ്പിൽ നിന്ന് ഒഴിവാക്കപ്പെട്ടതിന് ശേഷം അദ്ദേഹം എല്ലാ ക്രിക്കറ്റിൽ നിന്നും വിരമിക്കൽ പ്രഖ്യാപിച്ചിരുന്നു. എന്നാൽ പിന്നീട് ആഭ്യന്തര, ഐപിഎൽ ക്രിക്കറ്റിലേക്ക് അദ്ദേഹം മടങ്ങി വന്നിരുന്നു.ഏറ്റവും പരിചയസമ്പന്നരായ 10 ഐ‌പി‌എൽ ക്രിക്കറ്റ് കളിക്കാരിൽ ഒരാളാണ് റായിഡു.

കൂടാതെ അഞ്ച് കിരീടങ്ങളോടെ ഏറ്റവും വിജയകരമായ രണ്ടാമത്തെ ഐ‌പി‌എൽ ക്രിക്കറ്റ് കളിക്കാരനും. രോഹിത് ശർമ്മ (ആറ്) മാത്രമാണ് കൂടുതൽ ഉള്ളത്. അദ്ദേഹത്തിന്റെ അഞ്ച് ഐപിഎൽ കിരീടങ്ങൾ സംയുക്ത-രണ്ടാമത്തേതാണ് (കീറോൺ പൊള്ളാർഡിനൊപ്പം). രോഹിത്തിന് കീഴിൽ, റായിഡു 2013, 2015, 2017 ഐപിഎൽ കിരീടങ്ങൾ മുംബൈയ്‌ക്കൊപ്പം നേടിയ ശേഷം 2018, 2021 ഐപിഎൽ കിരീടങ്ങൾ തന്റെ നിലവിലെ ടീം സൂപ്പർ കിംഗ്‌സിനൊപ്പം നേടി.