കേരള ബ്ലാസ്റ്റേഴ്സിനെ സംബന്ധിച്ചു പുറത്ത് വരുന്ന അഭ്യൂഹങ്ങൾ എല്ലാം അടിസ്ഥാനരഹിതമാണെന്ന് പ്രമുഖ മാധ്യമ പ്രവർത്തകനായ മാർക്കസ് മെർഗുൽഹോ.
തന്റെ ട്വിറ്റർ അക്കൗണ്ട് വഴിയാണ് ഈ കാര്യങ്ങൾ അദ്ദേഹം റിപ്പോർട്ട് ചെയ്തത്.
കഴിഞ്ഞ ദിവസം കേരള ബ്ലാസ്റ്റേഴ്സിന്റെ യുവ താരം വിൻസി ബരേറ്റോ ചെന്നൈയിൻ എഫ് സിയിലേക്ക് എന്നും ഈസ്റ്റ് ബംഗാൾ ഗോൾ കീപ്പർ അരിന്ദം ഭട്ടാചാര്യ ബ്ലാസ്റ്റേഴ്സിലേക്കെന്ന വാർത്തകളും പുറത്ത് വന്നിരുന്നു.
ഈ വാർത്തകൾ എല്ലാം അടിസ്ഥാന രഹിതമാണെന്നാണ് മാർക്കസ് പറയുന്നത്. മാർക്കസിന്റെ ഈ റിപ്പോർട്ട് കണക്കിലെടുത്താൽ വാസ്ക്സ് ബ്ലാസ്റ്റേഴ്സ് വിട്ടേക്കുമെന്ന് വാർത്തയും വിശ്വാസയോഗ്യമല്ല.
നിലവിൽ കേരള ബ്ലാസ്റ്റേഴ്സ് പരിശീലകൻ ഇവാൻ വുകമനോവിച്, ഗോൾ കീപ്പർ പ്രഭുസുഖൻ ഗില്ലും, സൂപ്പർ താരം അഡ്രയൻ ലൂണയും, പ്രതിരോധ താരം ലെസ്കോയും മാത്രമേ അടുത്ത സീസണിൽ ബ്ലാസ്റ്റേഴ്സിൽ ഉറപ്പായിട്ടുള്ളു.