യുണൈറ്റഡിന്റെ ഡിസംബറിലെ മികച്ച താരവും ഡി ഗിയ തന്നെ….

ഈ സീസണിന്റെ തുടക്കത്തിൽ മാഞ്ചേസ്റ്റർ യുണൈറ്റഡ് ആരാധകർ ഏറെ ആഗ്രഹിച്ചത് അവന്റെ തിരിച്ചു വരവിന് വേണ്ടിയാണ്. കഴിഞ്ഞ സീസണിന്റെ മധ്യ ടീമിൽ നിന്ന് സ്ഥാനചലനം വരെ സംഭവിച്ച ചെകുത്താൻ കൂട്ടത്തിന്റെ പ്രിയപ്പെട്ട ഡി ഗിയ ടെ മടങ്ങിവരവിനു വേണ്ടി തന്നെയാണ്. ഇന്ന് അയാൾ തുടർച്ചയായ രണ്ടാം മാസവും യുണൈറ്റഡിന്റെ പ്രീമിയർ ലീഗ് പ്ലയെർ ഓഫ് ദി മന്ത്‌ ആയി തെരെഞ്ഞെടുക്കപ്പെട്ടിരിക്കുന്നു.

യുണൈറ്റഡിന്റെ ഒഫീഷ്യൽ ആപ്പിൽ നടത്തിയ ഫാൻ പോളിൽ റൊണാൾഡോയും ഫ്രഡിനെയും മറികടന്നു ആണ് ഡി ഗിയ തിരഞ്ഞെടുക്കപെട്ടത്.രണ്ട് ക്ലീൻ ഷീറ്റുകളും രണ്ട് മാൻ ഓഫ് ദി മാച്ച് പുരസ്കാരവുമാണ് ഡി ഗിയക്ക് മുതൽക്കൂട്ടായത്.

73 ശതമാനം വോട്ടുകൾ ഡി ഗിയ ലഭിച്ചപ്പോൾ റോണോ ക്ക് 22 ഉം ഫ്രഡിന് അഞ്ചു ശതമാനവുമാണ് ലഭിച്ചത്.2018 ഫെബ്രുവരിക്ക് ശേഷം കഴിഞ്ഞ മാസമാണ് ആദ്യമായി ഈ അവാർഡ് അയാളെ തേടി എത്തിയത്. തുടർച്ച ആയ രണ്ടാം വട്ടവും അയാൾ തന്നെ ചെകുത്താന്മാരുടെ ഡിസംബർ ലെ ഏറ്റവും മികച്ച താരമായപ്പോൾ ചെകുത്താന്മാർക്ക് തിരിച്ചു കിട്ടിയത് അവരുടെ വിന്റജ് DDG യെ തന്നെയാണ്.

സൈന്റ്റ്‌ മാക്സിമത്തിന്റെ ഷോട്ടുകൾ എത്ര മനോഹരമായി ആണ് അയാൾ തടുത്തു ഇട്ടത്. ന്യൂ കാസിൽ അർഹിച്ച വിജയം ഗോൾ പോസ്റ്റിന് മുന്നിൽ ചിലന്തി വല കെട്ടി കൊണ്ട് അയാൾ തട്ടി എടുക്കുകയായിരുന്നു. നോർവിചിന് എതിരെയും സ്ഥിതി മറ്റൊന്നും ആയിരുന്നില്ല.

കാലം തളർത്തി വിട്ട് ആ കൈകൾ ഇന്നും ശക്തി പ്രാപിച്ചു കൊണ്ടിരിക്കുകയാണ്.തുടർച്ച ആയി രണ്ടാം വട്ടവും ചെകുത്താന്മാരുടെ ഏറ്റവും മികച്ച താരമായി തെരഞ്ഞെടുക്കപ്പെട്ട ഡി ഗിയക്ക് അഭിനന്ദനങ്ങൾ