യുവേഫ ചാമ്പ്യൻസ് ലീഗിന്റെ 2021-2022 സീസണിലേക്കുള്ള ഗ്രൂപ്പ് ഘട്ട മത്സരങ്ങൾ അവസാനിച്ചു. ബാഴ്സലോണ, ബോറുസിയ ഡോർട്ട്മുണ്ട് തുടങ്ങിയ സൂപ്പർ ക്ലബ്ബുകൾ പ്രീ-ക്വാർട്ടർ ഫൈനലിലേക്ക് യോഗ്യത നേടുന്നതിൽ പരാജയപ്പെട്ടപ്പോൾ, യൂറോപ്പിലെ വമ്പൻ ക്ലബ്ബുകൾ തങ്ങളുടെ സ്ഥാനം റൗണ്ട്-ഓഫ് 16-ൽ ഉറപ്പിച്ചു.
യുവേഫ ചാമ്പ്യൻസ് ലീഗ് റൗണ്ട്-ഓഫ് 16-ന്റെ മത്സരങ്ങൾ തീരുമാനിക്കുന്നത് ഇങ്ങനെയാണ് – യോഗ്യത നേടിയ 16 ടീമുകളെ രണ്ട് പോട്ടുകളായി തിരിച്ചിരിക്കുന്നു – ഒന്നിൽ ഗ്രൂപ്പ് വിജയികൾ, മറ്റൊന്നിൽ ഗ്രൂപ്പ് റണ്ണേഴ്സ് അപ്പ്. ഒരു പോട്ടിൽ നിന്നുള്ള ടീം രണ്ടാമത് പോട്ടിലുള്ള ടീമിനെയായിരിക്കും നേരിടുക.
റൗണ്ട്-ഓഫ് 16-ൽ ഒരേ രാജ്യത്തു നിന്നുള്ള ടീമുകൾ തമ്മിൽ മത്സരം വരില്ല, അല്ലെങ്കിൽ ഒരു ഗ്രൂപ്പ് പങ്കിട്ട ടീമുകൾക്കെതിരെ കളിക്കാനും കഴിയില്ല,
ഡിസംബർ 13 തിങ്കളാഴ്ചയാണ് റൗണ്ട് ഓഫ് 16-ലെ മത്സരങ്ങളുടെ നറുക്കെടുപ്പ് ഉണ്ടാകുക.
യുവേഫ ചാമ്പ്യൻസ് ലീഗിന്റെ റൗണ്ട്-ഓഫ് 16 ആദ്യ പാദം ഫെബ്രുവരി 15, 16, 22, 23 തീയതികളിൽ നടക്കും. മാർച്ച് 8, 9, 15, 16 തീയതികളിലാണ് രണ്ടാം പാദ മത്സരങ്ങൾ അരങ്ങേറുക, മുൻ വർഷങ്ങളിൽ നടന്നത് പോലെ എവേ ഗോളുകൾക്ക് ഈ വർഷം പ്രാധാന്യമില്ല.
അതേസമയം ലോകഫുട്ബോളിലെ ‘GOAT’കളായ ക്രിസ്റ്റ്യാനോ റൊണാൾഡോ – ലയണൽ മെസ്സി എന്നിവർ നേർക്കുനേരെത്തുന്ന പോരാട്ടം കാണാനാകുമോ എന്ന കാത്തിരിപ്പിലാണ് ഫുട്ബോൾ ആരാധകർ.
- UCL ബെസ്റ്റ് ഡയറക്ട് ഫ്രീകിക്ക് ടേക്കർ റാങ്കിംഗിൽ മൂന്നാംസ്ഥാനത്ത് മെസ്സി, അപ്പോൾ ഒന്നാം സ്ഥാനം ആർക്ക്?
- വോട്ടിംഗിൽ മെസ്സിയെ മറികടന്ന് ക്രിസ്ത്യാനോ റൊണാൾഡോയ്ക്ക് അപ്രതീക്ഷിത കുതിപ്പ്…
- റയൽ മാഡ്രിഡ്,ബാർസിലോണ, യുവന്റസ് ക്ലബ്ബുകൾക്കെതിരെ അച്ചടക്ക നടപടിയുമായി UEFA
ചാമ്പ്യൻസ് ലീഗ് ഗ്രൂപ്പ് സ്റ്റേജ് പങ്കിട്ട ടീമുകൾ, സ്വന്തം രാജ്യത്തിൽ നിന്നുള്ള ടീമുകൾ തമ്മിൽ റൗണ്ട്-ഓഫ് 16-ൽ മത്സരം വരില്ല എന്നത് കൊണ്ട് ക്രിസ്റ്റ്യാനോ റൊണാൾഡോയുടെ മാഞ്ചസ്റ്റർ യുണൈറ്റഡ്, ലയണൽ മെസ്സിയുടെ പാരിസ് സെന്റ് ജർമയിൻ എന്നീ ടീമുകളുടെ എതിരാളി ആയി വരാൻ സാധ്യതയുള്ള ടീമുകളെ നമുക്ക് പരിശോധിച്ചു നോക്കാം…
യുവേഫ ചാമ്പ്യൻസ് ലീഗ് റൗണ്ട് ഓഫ് 16-ൽ മാഞ്ചസ്റ്റർ യുണൈറ്റഡിന്റെ എതിരാളികൾ ആയി വരാൻ സാധ്യതയുള്ള ടീമുകൾ ഇവയാണ്….
– പാരിസ് സെന്റ് ജർമയിൻ
– അത്ലറ്റിക്കോ മാഡ്രിഡ്
– സ്പോർട്ടിംഗ്
– ഇന്റർ മിലാൻ
– ബെൻഫിക്ക
– സാൽസ്ബർഗ്
യുവേഫ ചാമ്പ്യൻസ് ലീഗ് റൗണ്ട് ഓഫ് 16-ൽ പാരിസ് സെന്റ് ജർമയിന്റെ എതിരാളികൾ ആയി വരാൻ സാധ്യതയുള്ള ടീമുകൾ ഇവയാണ്….
– മാഞ്ചസ്റ്റർ യുണൈറ്റഡ്
– അയാക്സ്
– ബയേൺ മ്യൂണിക്
– ലിവർപൂൾ
– റയൽ മാഡ്രിഡ്
– യുവന്റസ്
മാഞ്ചസ്റ്റർ യുണൈറ്റഡ് vs പാരിസ് സെന്റ് ജർമയിൻ പോരാട്ടം വരാൻ സാധ്യതയുള്ളതിനാൽ ലോകഫുട്ബോളിലെ എക്കാലത്തെയും മികച്ച രണ്ട് ഫുട്ബോൾ താരങ്ങൾ വീണ്ടും നേർക്കുനേരെത്താൻ സാധ്യതയുള്ളതിനാൽ യുവേഫ ചാമ്പ്യൻസ് ലീഗിന്റെ ആരവങ്ങളിൽ മുഴുകാൻ ലോകം മുഴുവൻ ആകാംഷയോടെ കാത്തിരിക്കുന്നു…..