arun k andrews
PSG ഒരു താൽക്കാലിക കരാർ അനുവദിച്ചാൽ , ജനുവരിയിൽ ലോണിൽ പ്രീമിയർ ലീഗിലേക്ക് മടങ്ങാൻ ജോർജിനിയോ വിജ്നാൽഡം തയ്യാറാണ് എന്ന് ക്ലബ്ബിനെ അറിയിച്ചു. മുൻ ലിവർപൂൾ മിഡ്ഫീൽഡർ ഒരു ഫ്രീ ഏജന്റായി ചേർന്നതിനാൽ ഫ്രഞ്ച് തലസ്ഥാനത്ത് താൻ ആഗ്രഹിച്ച പോലെ എത്താൻ കഷ്ടപ്പെടുകയാണ്.
താൻ സന്തുഷ്ടനല്ലെന്ന് അദ്ദേഹം പരസ്യമായി സമ്മതിച്ചു, ഡച്ച് ഔട്ട്‌ലെറ്റ് NOS-നോട് പറഞ്ഞു: ‘ഞാൻ പൂർണ്ണമായും സന്തോഷവാനാണെന്ന് എനിക്ക് പറയാനാവില്ല, കാരണം സാഹചര്യം ഞാൻ ആഗ്രഹിച്ച പോലെ അല്ല.
പുതിയ ചുവടുവെപ്പിനായി ഞാൻ ശരിക്കും കാത്തിരിക്കുകയായിരുന്നു, അപ്പോൾ ഇത് സംഭവിക്കുന്നു. ഇതു വളരെ കഠിനമാണ്.’
സ്‌കൈ സ്‌പോർട്‌സ് പറയുന്നതനുസരിച്ച്, അടുത്ത മാസം വിജ്‌നാൽഡമിനെ വിടാൻ പിഎസ്‌ജി തയ്യാറല്ലെന്ന് ക്ലബ്‌ വൃത്തങ്ങൾ പറഞ്ഞു.
പുതിയ മേച്ചിൽപ്പുറങ്ങളിലേക്കുള്ള അദ്ദേഹത്തിന്റെ നീക്കം ഇതുവരെ ഫലം കണ്ടിട്ടില്ല, മൗറിസിയോ പോച്ചെറ്റിനോയുടെ കീഴിലുള്ള ജീവിതത്തോടുള്ള അദ്ദേഹത്തിന്റെ അതൃപ്തി കണക്കിലെടുത്ത്, കൂടുതൽ ഗെയിം സമയത്തിനായി പ്രീമിയർ ലീഗിലേക്ക് മടങ്ങാൻ അദ്ദേഹം തയ്യാറാണ്.
മാർക്കോ വെറാറ്റി, ഡാനിലോ പെരേര, ആൻഡർ ഹെരേര, ഇഡ്രിസ ഗുയെ, ലിയാൻഡ്രോ പരേഡെസ് എന്നിവരോടൊപ്പമാണ് വിജ്നാൽഡം പിഎസ്ജിയുടെ ആദ്യ ടീമിൽ ഇടം പിടിക്കുന്നത്.
