ഐലീഗിന്റെ പുതിയ സീസൺ നവംബർ 12ന് മഞ്ചേരി പയ്യനാട് സ്റ്റേഡിയത്തിൽ ഗോകുലം കേരളവും മുഹമ്മദൻ എസ് സിയും തമ്മിലുള്ള മത്സരത്തോടെ ആരംഭിക്കുമെന്ന് AIFF നേരത്തെ അറിയിച്ചിരുന്നു. ഒട്ടേറെ പ്രശ്നങ്ങൾക്ക് ഒടുവിലായിരുന്നു ഐ ലീഗിന്റെ ഫിക്സചർ വന്നിരുന്നത്.
എന്നാ ഫിക്സചർ വന്നപ്പോൾ ഏത് ടെലിവിഷൻ ചാനൽ വഴിയാണ് സംപ്രേക്ഷണം ചെയ്യുമെന്ന് AIFF അറിയിച്ചിരുന്നില്ല. എന്നാ ഇന്ന് നടന്ന AIFF പ്രെസ്സ് മീറ്റിൽ ഐ ലീഗ് വരാൻ പോകുന്ന മത്സരങ്ങൾ യൂറോസ്പോർട്ട്, ഡിഡി സ്പോർട്സ് എന്നിവയിലൂടെ സംപ്രേക്ഷണം ചെയ്യുമെന്ന് അറിയിച്ചു.
ഇതാദ്യമായിട്ടാണ് ഐ ലീഗ് മത്സരങ്ങൾ ഒരു സീസണിൽ തന്നെ രണ്ട് ടെലിവിഷൻ ചാനലുകളിലൂടെ സംപ്രേക്ഷണം ചെയുന്നത്. രണ്ട് ടെലിവിഷൻ ചാനലുകൾക്ക് പുറമെ, ഹീറോ ഐ-ലീഗ് ഡിസ്കവറി+ൽ തത്സമയം സംപ്രേക്ഷണം ചെയ്യുമെന്നും AIFF അറിയിച്ചു.
ഗോകുലം കേരളയുടെ ഹോം മത്സരങ്ങൾ മഞ്ചേരി പയ്യനാട് സ്റ്റേഡിയത്തിൽ വെച്ചും കോഴിക്കോട് ഈഎംഎസ് സ്റ്റേഡിയത്തിൽ വെച്ചുമായിരിക്കും നടക്കുക എന്നും AIFF അറിയിച്ചു.