ഇന്ത്യ- സിംബാവെ പോരാട്ടം ഇന്ന്; 4 താരങ്ങൾ അരങ്ങേറിയേക്കും; (ഇന്ത്യൻ സമയം..മത്സരം കാണാനുള്ള വഴികള്‍; കൂടുതലറിയാം..)

ടി20 ലോകകിരീട നേട്ടത്തിന്റെ ആഘോഷങ്ങൾ അവസാനിച്ചിട്ടില്ലെങ്കിലും ഇന്ത്യ ഇന്ന് വീണ്ടും കളത്തിലിറങ്ങുകയാണ്. സിംബാവെയെക്കതിരെയുള്ള അഞ്ച് ടി20 പരമ്പരയ്ക്ക് ഇന്ന് ഹരാരേയിൽ തുടക്കമാവും. സീനിയേഴ്സിന് വിശ്രമം അനുവദിച്ച പരമ്പരയിൽ ശുഭ്മാന്‍ ഗില്ലിന്‍റെ നേതൃത്വത്തിൽ ഐപിഎല്ലില്‍ തിളങ്ങിയ യുവതാരനിരയുമായാണ് ഇന്ത്യ ഇറങ്ങുന്നത്.

ALSO READ: സഞ്ജു ലിസ്റ്റിൽ; ഗംഭീർ പരിശീലകനായാൽ കോളടിക്കുക ഈ 3 താരങ്ങൾക്ക്

ലോകകപ്പ് ടീമിലെ സഞ്ജു സാംസണ്‍, യശസ്വി ജയ്സ്വാള്‍, ശിവം ദുബെ എന്നിവർക്ക് വെസ്റ്റ്ഇൻഡീസിൽ നിന്നും തിരിക്കാൻ വൈകിയതിനാൽ മൂവരും ആദ്യ രണ്ട് ടി20യിൽ ഉണ്ടാവില്ല. അവസാന മൂന്ന് ടി20കള്‍ക്കുള്ള ടീമിനൊപ്പം ഇവർ ചേരും.

ALSO READ: നായക സ്ഥാനത്തേക്ക് പാണ്ട്യയ്ക്ക് പുതിയ എതിരാളി; രോഹിതിന്റെ പകരക്കാരനെ കാര്യത്തിൽ ട്വിസ്റ്റ്

ഇന്ത്യൻ സമയം വൈകുന്നേരം 4.30നാണ് മത്സരം തുടങ്ങുക. ടിവിയില്‍ സോണി സ്പോര്‍ട്സ് നെറ്റ്‌വര്‍ക്കിലും ലൈവ് സ്ട്രീമിംഗില്‍ സോണി ലിവിലും മത്സരം തത്സമയം കാണാനാകും. അതേ സമയം ഇന്ന് ഇന്ത്യക്കായി 4 താരങ്ങൾ ടി20 അരങ്ങേറ്റം നടത്താനുള്ള സാധ്യതകളേറെയാണ്.

ALSO READ: സഞ്ജു വീണ്ടും ഡെയ്ഞ്ചർ സോണിൽ; പുതിയ എതിരാളി

അഭിഷേക് ശർമ്മ, ധ്രുവ് ജ്യുറേൽ, റിയാൻ പരാഗ്, തുഷാർ ദേശ്പാണ്ഡെ എന്നിവർ ഇന്ന് ഇന്ത്യക്കായി അരങ്ങേറ്റം നടത്താനുള്ള സാധ്യതകളുണ്ട്.അഭിഷേക് ശർമ്മ തനിക്കൊപ്പം ഓപ്പണറായി എത്തുമെന്ന് നായകൻ ശുഭമാൻ ഗിൽ ഇന്നലെ പ്രഖ്യാപിച്ചിരുന്നു. റുതുരാജ് ​​ഗെയ്ക്ക്‌വാദ്‌ മൂന്നാം നമ്പറിൽ ക്രീസിലെത്തുമെന്നും ​ഗിൽ സ്ഥിരീകരിച്ചിരുന്നു.

ALSO READ: ഐസിസി ചാമ്പ്യൻസ് ട്രോഫി; ഇന്ത്യയും പാകിസ്താനും ഒരേ ഗ്രൂപ്പിൽ; മത്സരം മാർച്ച് ഒന്നിന്

ഇന്ത്യ സാധ്യത ഇലവൻ; ശുഭ്മാൻ ഗിൽ, അഭിഷേക് ശർമ്മ, ഋതുരാജ്, ധ്രുവ് ജ്യുറേൽ, റിയാൻ പരാഗ്, റിങ്കു സിങ്, വാഷിംഗ്ടൺ സുന്ദർ, രവി ബിഷ്‌ണോയി, ആവേശ് ഖാൻ, ഖലീൽ അഹമ്മദ്, തുഷാർ ദേശ്പാണ്ഡെ.

ALSO READ: ഇന്ത്യ- പാക്സിതാൻ- ഓസ്‌ട്രേലിയ; ക്രിക്കറ്റ് ലോകത്തെ ആവേശത്തിലാക്കാൻ ത്രിരാഷ്ട്ര പരമ്പര വരുന്നു