തകർച്ചയുടെ പടുകുഴിയിൽ വീണു കിടക്കുന്ന കേരള ബ്ലാസ്റ്റേഴ്സ് എഫ് സി യിലേക്ക് ഒരു സ്പോർട്ടിങ് ഡയറക്ടർ വരുന്നു എന്ന് രണ്ടു സീസൺ മുൻപ് നമ്മൾ ഒരു വാർത്ത കേട്ടപ്പോൾ അധികമാരും അതിനു വലിയ ശ്രദ്ധയൊന്നും കൊടുത്തില്ല. എന്നാൽ രണ്ടു വർഷങ്ങൾക്കിപ്പുറം അദ്ദേഹം കേരള ബ്ലാസ്റ്റേഴ്സ് എന്ന ഇന്ത്യൻ സൂപ്പർ ലീഗ് ടീമിൽ കൊണ്ടുവന്ന മാറ്റം വളരെ വലുതാണ്.
- ബ്ലാസ്റ്റേഴ്സിന് ഇതുവരെയുണ്ടായിരുന്ന ആ പിഴവ് പരിഹരിക്കാനായിരുന്നു കരോളിൻസിന്റെ പൂഴിക്കടകൻ…
- ബ്ലാസ്റ്റേഴ്സ് ആരാധകർ ഇത് പ്രത്യേകം ശ്രദ്ധിക്കണം സ്പോർട്ടിങ് ഡയറക്ടർ പറയുന്നു…
- ബ്ലാസ്റ്റേഴ്സിനായി ഏറ്റവും വിശ്വസ്തനായ താരത്തിനെ എത്തിച്ചിട്ടുണ്ട് എന്ന് കരോളിൻസ്
- ബ്ലാസ്റ്റേഴ്സിലേക്ക് തന്നെ എത്തിച്ചത് ആ മൂന്ന് കാരണങ്ങൾ ബ്ലാസ്റ്റേഴ്സ് പരിശീലകൻ തുറന്നുപറയുന്നു
- കേരളാ ബ്ലാസ്റ്റേഴ്സിന്റെ അടുത്ത സർപ്രൈസ് സൈനിങ് ലിസ്റ്റ് വരുന്നു
ഇന്ത്യയിൽ വന്നു ചുമതലയേറ്റശേഷം ആദ്യ സീസണിൽ അദ്ദേഹത്തിന് കൈ ഒന്ന് പൊള്ളി. കാരണം ഇന്ത്യൻ സാഹചര്യങ്ങളെക്കുറിച്ച് കൂടുതൽ അറിവുകൾ ഒന്നും അദ്ദേഹത്തിന് ഇല്ലായിരുന്നു. അതുകൊണ്ട് തന്നെ ഒരു ഭാഗ്യപരീക്ഷണം പോലെ ആയിരുന്നു അദ്ദേഹത്തിന് ആദ്യ സീസൺ. അതിൻറെ പരാജയത്തിൽ നിന്നും അദ്ദേഹം ഇന്ത്യൻ സാഹചര്യങ്ങളെ കുറിച്ച് വ്യക്തമായി പഠിച്ചു.
ഇവിടുത്തെ ഫുട്ബോൾ മാർക്കറ്റിനെ കുറിച്ചും നന്നായി വിലയിരുത്തിയ അദ്ദേഹം കണ്ടെത്തിയ പ്രധാന വസ്തുതകളിൽ ഒന്ന് കളിക്കളത്തിൽ ഇറങ്ങാതെ ബെഞ്ചിലിരുന്ന് വലിയ പ്രതിഫലം പറ്റുന്ന താരങ്ങളെ കുറിച്ചാണ്. കൂടാതെ അവധിക്കാലം ആഘോഷിക്കാൻ എന്നപോലെ കളിക്കുവാൻ വരുന്ന വിദേശ താരങ്ങളെയും അദ്ദേഹം പഠിച്ചു.
കളിക്കളത്തിന് അകത്തും പുറത്തും കണക്കുകളിൽ കണിശക്കാരനായ കരോളിസ് എന്ന സ്പോർട്ടിംഗ് ഡയറക്ടർ ക്ലബ്ബിൻറെയും കളിക്കാരുടെയും സാമ്പത്തിക നയങ്ങൾ ഉടച്ചുവാർക്കാൻ പോകുകയാണ്. ഒരുപക്ഷേ ആരാധകർ ഏറെ ആഗ്രഹിച്ചിരുന്നു ധീരമായ ഒരു നിലപാടിലാണ് അദ്ദേഹം തിരിയുന്നത്. ഇനി ബെഞ്ചിലിരുന്ന് പണം വാങ്ങുന്നവർ ബ്ലാസ്റ്റേഴ്സിൽ ഉണ്ടായിരിക്കില്ല കൊടുക്കുന്ന കാശിന് പരമാവധി പണിയെടുക്കുകയാണ് അദ്ദേഹത്തിൻറെ ലക്ഷ്യം.
ടീം സ്ക്വാഡിൽ ഉൾപ്പെടുന്ന മുഴുവൻ താരങ്ങളെയും കളിപ്പിക്കുകയും മത്സരത്തിനു സജ്ജമാക്കി നിർത്തുകയും ചെയ്യുക. താരങ്ങളുടെ പ്രതിഭയും കായികശേഷിയും കളിക്കളത്തിൽ പരമാവധി പ്രയോജനപ്പെടുത്തുക നിലവിലെ സ്ക്വാഡിൽ അനാവശ്യമായി തോന്നുന്ന താരങ്ങളെ മറ്റുള്ള ക്ലബുകളിൽ വായ്പ അടിസ്ഥാനത്തിൽ കളിക്കാൻ വിടുക. ഇതുവഴി താരങ്ങൾക്കും കൊടുക്കുന്ന പ്രതിഫലത്തിന്റെകാര്യത്തിലും ബ്ലാസ്റ്റേഴ്സിന് നേട്ടമുണ്ടാകും