Sanu
ഒഡിഷ എഫ്സിയുടെ യുവ ഇന്ത്യൻ താരത്തിനെ തങ്ങളുടെ തട്ടകത്തിലെത്തിക്കുവാൻ നീക്കങ്ങൾ നടത്തി കേരള ബ്ലാസ്റ്റേഴ്സ് എഫ്സി.
ഈ സീസൺ അവസാനിക്കുനതോടെ മെയ്‌ മാസത്തിൽ ഒഡിഷ എഫ്സിയുമായി കരാർ അവസാനിക്കുന്ന 22 വയസ്സ് മാത്രം പ്രായമുള്ള ഇന്ത്യൻ യുവതാരം ശുഭം സാരംഗിയെ ഫ്രീ ട്രാൻസ്ഫറിൽ സ്വന്തമാക്കാനാണ് ബ്ലാസ്റ്റേഴ്സ് ചർച്ചകൾ നടത്തുന്നത്.
വിങ് ബാക്ക് താരങ്ങളുടെ അഭാവമുള്ള കേരള ബ്ലാസ്റ്റേഴ്സ് എഫ്സിയെ ഈ പൊസിഷനുകൾ ശക്തമാക്കാൻ ഒഡിഷ എഫ്സിക്ക് വേണ്ടി മികച്ച പ്രകടനം നടത്തിയ ശുഭം സാരംഗിയുടെ സാന്നിധ്യം ബ്ലാസ്റ്റേഴ്സിനെ സഹായിക്കുമെന്നാണ് കരുതുന്നത്.
ജെസൽ, കബ്ര, നിഷു കുമാർ എന്നീ മൂന്നു പ്രധാന വിങ് ബാക്ക് താരങ്ങളുടെ കരാർ ഈ സീസൺ അവസാനത്തോടെ കഴിയും, ഈയൊരു ഒഴിവിലേക്ക് പുതു താരങ്ങളെയെത്തിക്കാൻ ബ്ലാസ്റ്റേഴ്സ് ശ്രമങ്ങൾ നടത്തുന്നുണ്ട്.
