ആരാധകർക്ക് കിടിലൻ സർപ്രൈസ് സൈനിങ്ങുമായി ബ്ലാസ്റ്റേഴ്‌സ് പൊളിച്ചു??

കേരള ബ്ലാസ്റ്റേഴ്സിന്റെ ആരാധകർക്ക് സർപ്രൈസ് സൈനിങ് നൽകിക്കൊണ്ട് ബ്ലാസ്റ്റേഴ്സ് തങ്ങളുടെ അടുത്ത വിദേശ താരത്തിന്റെ സൈനിംഗ് ഒഫീഷ്യലി പ്രഖ്യാപിച്ചു. ഗാനയിൽ നിന്നുമുള്ള 22 വയസ്സുകാരനായ യുവ താരത്തിന്റെ സൈനിങാണ് ബ്ലാസ്റ്റേഴ്സ് ഒഫീഷ്യലി പ്രഖ്യാപിച്ചത്.

2025 വരെയുള്ള രണ്ടു വർഷത്തെ കരാറിൽ സൂപ്പർ യുവതാരത്തിനെ സൈൻ ചെയ്തതായാണ് കേരള ബ്ലാസ്റ്റേഴ്സ് അറിയിച്ചിട്ടുള്ളത്. ഗാന, സൗത്താഫ്രിക്ക എന്നിവിടങ്ങളിലെ ലീഗുകളിൽ കളിച്ചു പരിചയമുള്ള ക്വമി പെപ്രാഹ് എന്ന യുവതാരത്തിനെയാണ് ബ്ലാസ്റ്റേഴ്സ് ടീമിൽ എത്തിച്ചത്.

ഘാന, സൗത്താഫ്രിക്ക എന്നിവിടങ്ങളിൽ ടീമുകൾക്ക് വേണ്ടി നിരവധി ഗോളുകൾ സ്കോർ ചെയ്ത സൂപ്പർ യുവതാരം ഈ വർഷം ഇസ്രായേലിയൻ ക്ലബ്ബിലേക്ക് ലോൺ അടിസ്ഥാനത്തിൽ വന്നിരുന്നു, എന്നാൽ ഇസ്രായേലി ക്ലബ്ബിൽ അവസരങ്ങൾ ഒന്നും ലഭിക്കാത്ത താരത്തിനെ സൗത്ത് ആഫ്രിക്കൻ ക്ലബാണ് ബ്ലാസ്റ്റേഴ്സിന് കൈമാറിയത്.

ഗാന ലീഗിൽ 2020ൽ കിങ് ഫൈസൽ എന്ന ക്ലബ്ബിനുവേണ്ടി സീനിയർ അരങ്ങേറ്റം കളിച്ചു തുടങ്ങിയ താരം 14 ഗോളുകളാണ് ടീമിനുവേണ്ടി അരങ്ങേറ്റസീസണിൽ നിന്നും നേടിയത്. പിന്നീട് സൗത്ത് ആഫ്രിക്കൻ ക്ലബ്ബായ ഓർലാണ്ടോ പൈറേറ്റ്സിന് വേണ്ടി കളിച്ച താരം 7 ഗോളുകളും നേടിയിട്ടുണ്ട്. നിലവിൽ കേരള ബ്ലാസ്റ്റേഴ്സ് കൊണ്ടുവന്ന ഈ യുവതാരം ഐ എസ് എൽ സീസണിൽ മിന്നിത്തിളങ്ങും എന്നാണ് ആരാധകർ പ്രതീക്ഷിക്കുന്നത്.