.
വരാൻ പോകുന്ന ഇന്ത്യൻ സൂപ്പർ ലീഗ് സീസണിനു മുന്നോടിയായി UAE യിൽ വെച്ച് നടക്കുന്ന കേരള ബ്ലാസ്റ്റേഴ്സിന്റെ പ്രീ-സീസൺ മത്സരങ്ങൾക്ക് തങ്ങൾ രണ്ടും കൽപ്പിച്ചാണ് അണിഞ്ഞൊരുങ്ങുന്നതെന്ന് വ്യക്തമാക്കി കേരള ബ്ലാസ്റ്റേഴ്സ് പരിശീലകൻ.
ബ്ലാസ്റ്റേഴ്സ് ആരാധകരുടെ സ്നേഹത്തിനും പിന്തുണക്കും നന്ദി പറഞ്ഞ ഇവാൻ വുകോമാനോവിച് ‘ഹബീബി ഞങ്ങൾ ദുബായിലേക്ക് വരുന്നു ‘ എന്ന മാസ്സ് ഡയലോഗ് കൂടി ചേർത്ത് UAE യിലെ പ്രീ-സീസൺ മത്സരങ്ങൾ മികച്ചതാക്കുമെന്ന് സൂചിപ്പിച്ചു.
“നിങ്ങളുടെ സ്നേഹത്തിനും പിന്തുണക്കും നന്ദി. UAE നമ്മുടെ സെക്കൻഡ് ഹോം ആണെന്ന് ഞങ്ങൾക്കറിയാം, ഞങ്ങളെ കാണുവാൻ വേണ്ടി നിങ്ങളവിടെ കാത്തിരിക്കുന്നുണ്ടെന്ന് ഞങ്ങൾക്കറിയാം, Habeebi we are coming to Dubai…” – ഇവാൻ ആശാൻ കേരള ബ്ലാസ്റ്റേഴ്സ് ഒഫീഷ്യൽ വീഡിയോയിൽ പറഞ്ഞു.
Mark your calendars Dubai, because Aashan said so! ?@H16Sports #UAETOUR #HalaBlasters #YennumYellow #KBFC #കേരളബ്ലാസ്റ്റേഴ്സ് pic.twitter.com/dfJChKRoXJ
— Kerala Blasters FC (@KeralaBlasters) August 4, 2022
UAE യിലെ മികച്ച ക്ലബ്ബുകളുമായാണ് കേരള ബ്ലാസ്റ്റേഴ്സ് പ്രീസീസൺ മത്സരങ്ങൾ കളിക്കുക. വരാനിരിക്കുന്ന ഇന്ത്യൻ സൂപ്പർ ലീഗിന്റെ ഒൻപതാം സീസണിൽ കുപ്പായമണിയുന്ന കേരള ബ്ലാസ്റ്റേഴ്സ് മൂന്നു തവണ ഫൈനലിൽ കൈവിട്ടു പോയ ISL കിരീടമല്ലാതെ മറ്റൊന്നും ആഗ്രഹിക്കുന്നില്ല.