Sanu
കഴിഞ്ഞ രണ്ട് സീസണിലായി കേരള
ബ്ലാസ്റ്റേഴ്‌സ് എഫ്സിയുടെ പ്രതിരോധത്തിൽ അവിഭാജ്യ ഘടകമായി തുടരുന്ന ഇന്ത്യൻ യുവതാരം ഹോർമിപമിന്റെ കരാർ ബ്ലാസ്റ്റേഴ്‌സ് പുതുക്കിയിരുന്നു.
2027 വരെയുള്ള ദീർഘകാല കരാറിൽ ഒപ്പ് വെച്ചതിനു ശേഷം ബ്ലാസ്റ്റേഴ്സിൽ തുടരുന്നതിൽ സന്തോഷം താരം പങ്ക് വെച്ചിരുന്നു. താരവുമായുള്ള കരാർ പുതുക്കലിനെ കുറിച്ച് ബ്ലാസ്റ്റേഴ്‌സ് എസ്ഡിയും സംസാരിച്ചു.
“ഹോർമിപാം ഞങ്ങൾക്കായി തന്റെ ആദ്യ മത്സരം കളിച്ചതുമുതൽ ഞങ്ങളുടെ ടീമിലെ ഏറ്റവും കഠിനാധ്വാനിയായ ഒരു അംഗമാണ്. കടന്നുപോകുന്ന ഓരോ മത്സരത്തിലും നിരന്തരം മെച്ചപ്പെടാനും കൂടുതൽ മെച്ചപ്പെടാനുമുള്ള സജീവമായ ശ്രമം അദ്ദേഹത്തിന്റെ ഭാഗത്തുനിന്ന് ഉണ്ടായിട്ടുണ്ട്.
“ഈ പ്രവർത്തന നൈതികത അദ്ദേഹത്തെ വളരെ ശ്രദ്ധേയമായ ചില പ്രകടനങ്ങൾ ഒരുമിച്ച് കൊണ്ടുവരാൻ സഹായിച്ചിട്ടുണ്ട്. അവൻ ഇപ്പോഴും ചെറുപ്പമാണ്, കൂടുതൽ അനുഭവപരിചയത്തോടെ അവന്റെ ഗെയിം കൂടുതൽ മെച്ചപ്പെടുന്നത് നിങ്ങൾക്ക് കാണാൻ കഴിയും.”
“വരാനിരിക്കുന്ന സീസണിൽ അദ്ദേഹത്തിന് ഏറ്റവും മികച്ചത് മാത്രം ആശംസിക്കുന്നു.” – കേരള ബ്ലാസ്റ്റേഴ്‌സ് എഫ്സി സ്പോർട്ടിങ് ഡയറക്ടർ കരോലിസ് സ്കിൻകിസ് പറഞ്ഞു.
2021-ലാണ് ഹോർമിപാം ഇന്ത്യൻ ആരോസിൽ നിന്നും ഇന്ത്യൻ സൂപ്പർ ലീഗിൽ അരങ്ങേറ്റം കുറിക്കാൻ കേരള ബ്ലാസ്റ്റേഴ്‌സ് എഫ്സിയിലെത്തുന്നത്. തുടർന്ന് സ്ഥിരതയാർന്ന മികച്ച പ്രകടനമാണ് താരം കാഴ്ച വെച്ചത്.
