Sanu
ഇന്ത്യൻ ഫുട്ബോൾ ആരാധകർ ഏറെ കാത്തിരുന്ന ഇന്ത്യയിലെ മുൻനിര ലീഗുകളിലെ ക്ലബ്ബുകൾ കളിക്കുന്ന ഹീറോ സൂപ്പർ കപ്പിനെ കുറിച്ചുള്ള കൂടുതൽ അപ്ഡേറ്റ് പുറത്തുവിട്ട് ഇന്ത്യൻ ഫുട്ബോൾ ഫെഡറേഷൻ.
ഏപ്രിൽ മാസത്തിൽ 8-തീയതി മുതൽ 25 വരെ കേരളത്തിലെ മൂന്നു സ്ഥലങ്ങളിലായാണ് ഹീറോ സൂപ്പർ കപ്പ്‌ അരങ്ങേറുന്നത്. കോഴിക്കോട്, കൊച്ചി, തിരുവനന്തപുരം എന്നീ സ്ഥലങ്ങളിലായാണ് ഇത്തവണ സൂപ്പർ കപ്പ്‌ മത്സരങ്ങൾ.
അതേസമയം ഇന്ത്യൻ സൂപ്പർ ലീഗിലെ 11 ടീമുകളും, ഐ ലീഗിൽ നിനുമുള്ള 5 ടീമുകളും ഉൾപ്പടെ 16 ടീമുകളുടെ പോരാട്ടമാണ് ഹീറോ സൂപ്പർ കപ്പ്‌ ടൂർണമെന്റിൽ നടക്കുന്നത്.
ഇതിന് മുൻപ് രണ്ട് തവണ ഹീറോ സൂപ്പർ കപ്പ്‌ അരങ്ങേറിയപ്പോൾ 2018-ൽ ബാംഗ്ലൂരു എഫ്സി, 2019-ൽ എഫ്സി ഗോവ എന്നിവരാണ് കിരീടം ചൂടിയത്. അതിന് ശേഷം 4 വർഷങ്ങൾക്കിപ്പുറമാണ് ടൂർണമെന്റ് അരങ്ങേറാൻ ഒരുങ്ങുന്നത്.
4 ടീമുകൾ വീതമുള്ള 4 ഗ്രൂപ്പുകളിൽ നിന്നും ഒന്നാം സ്ഥാനത്തെത്തുന്ന ടീമുകൾ തമ്മിലായിരിക്കും സെമിഫൈനൽ മത്സരം, തുടർന്ന് ഫൈനൽ മത്സരവും അരങ്ങേറും.
