Sanu
പാരീസ് സെന്റ് ജെർമെയ്ൻ പരിശീലകനായ മൗറീഷ്യോ പോച്ചെറ്റിനോയെ മാഞ്ചസ്റ്റർ യുണൈറ്റഡിലെ പരിശീലകസ്ഥാനവുമായി ബന്ധപ്പെടുത്തിയിട്ടുള്ള റിപ്പോർട്ടുകളാണ് ഇപ്പോൾ ഉയർന്നു കേൾക്കുന്നത്. ഒലെ ഗുന്നാർ സോൾഷ്യയറിനെ പുറത്താക്കിയതിനെ തുടർന്ന് റെഡ് ഡെവിൾസ് ഒരു പുതിയ പരിശീലകനെയാണ് ലക്ഷ്യമിടുന്നത്.
അർജന്റീനക്കാരനായ മൗറിസിയോ പോചെട്ടിനോ പ്രീമിയർ ലീഗ് റിട്ടേണുമായി ബന്ധപ്പെട്ടിരിക്കുന്നതിനാൽ, മൗറിസിയോ പോചെട്ടിനോ PSG വിടുകയാണെങ്കിൽ മുൻ റയൽ മാഡ്രിഡ് പരിശീലകൻ സിനദീൻ സിദാനെ, PSG ക്ലബ്ബ്‌ പോചെട്ടിനോക്ക് പകരക്കാരനായി നോക്കുന്നതായി റിപ്പോർട്ടുകളും ഉയർന്നുകേൾക്കുന്നുണ്ട്.
സ്പാനിഷ് മാധ്യമമായ എ.സ് റിപ്പോർട്ട് ചെയ്യുന്നത് PSG-യിൽ ചേരാനുള്ള ആശയം ഇപ്പോൾ ഫ്രഞ്ച് തന്ത്രജ്ഞനായ സിനദിൻ സിദാനെ പ്രലോഭിപ്പിക്കുന്നില്ല എന്നാണ്. കൂടാതെ, PSG ക്ലബ് തങ്ങളുടെ ടീമിന്റെ പരിശീലകസ്ഥാനം ഏറ്റെടുക്കുന്ന കാര്യം സിദാനെ ബോധ്യപ്പെടുത്തുന്നതിൽ നിരാശപ്പെടാൻ തുടങ്ങിയിരിക്കുന്നു.
റിപ്പോർട്ട് അനുസരിച്ച്, ഒരു ക്ലബ്ബിൽ മിഡ്‌സീസണിൽ ചേരാനുള്ള ആശയത്തിൽ സിനദിൻ സിദാൻ താൽപ്പര്യപ്പെടുന്നില്ല. കൂടാതെ, അദ്ദേഹം നിലവിൽ മറ്റ് പ്രോജക്റ്റുകളിൽ ഏർപ്പെട്ടിരിക്കുകയാണ്. ഒരു പുതിയ ജോലി കണ്ടെത്തുന്നതിന് മുൻപ് അൽപ്പം സമയം കാത്തിരിക്കാനും അദ്ദേഹം ഇഷ്ടപ്പെടുന്നുണ്ട്.
എന്നിരുന്നാലും, തന്നെ സംബന്ധിച്ചുള്ള PSG-യുടെ ശക്തമായ താൽപ്പര്യത്തെ അദ്ദേഹം അഭിനന്ദിക്കുന്നുണ്ട്. പക്ഷേ, ഇപ്പോൾ കോച്ചിംഗിലേക്ക് കടക്കാൻ അദ്ദേഹം തയ്യാറല്ല. മാഞ്ചസ്റ്റർ സിറ്റിയോടുള്ള ചാമ്പ്യൻസ് ലീഗ് തോൽവിയെ തുടർന്ന് PSG ഗ്രൂപ്പ് എയിൽ രണ്ടാം സ്ഥാനത്താണിപ്പോൾ. തങ്ങളുടെ പരിശീലക റോളിൽ സിനദിൻ സിദാനെ എത്തിക്കാൻ PSG കൂടുതൽ ശ്രമിച്ചേക്കാം.
