പോൾ പോഗ്ബയെ ആർക്കും പരിചയപെടുത്തേണ്ടിതില്ലലോ. മുൻ മാഞ്ചേസ്റ്റർ യുണൈറ്റഡ് താരവും ഫ്രഞ്ച് ദേശിയ ടീം താരവുമാണ് അദ്ദേഹം. ഫ്രാൻസിന് ഒപ്പം ലോകകപ്പ് സ്വന്തമാക്കിയ താരമാണ് അദ്ദേഹം.
ഇപ്പോൾ പോൾ പോഗ്ബയുടെ സഹോദരനെ എ ടി കെ മോഹൻ ബഗാൻ സ്വന്തമാക്കിയിരിക്കുകയാണ്.പോൾ പോഗ്ബയുടെ മൂത്ത സഹോദരനായ ഫ്ലോറേറ്റിന് പോഗ്ബയാണ് എ ടി കെ സ്വന്തമാക്കിയിരിക്കുന്നത്. പ്രമുഖ മാധ്യമ പ്രവർത്തകനായ മാർക്കസ് മെർഗുൽഹോയാണ് ഈ വാർത്ത റിപ്പോർട്ട് ചെയ്തിരിക്കുന്നത്.
ഫ്രഞ്ച് ക്ലബ് എഫ് സി സോച്ചാസ്സ് മോന്റബെലിർഡ് ഒരു വർഷത്തെ കരാർ ബാക്കി നിൽക്കേയാണ് താരം ഇന്ത്യയിലേക്ക് ചേക്കേറിയത്. രണ്ട് വർഷത്തെ കരാറാണ് എ ടി കെ താരത്തിന് നൽകിയിരിക്കുന്നത്.ഇത് വരെയും എ ടി കെ ഔദ്യോഗിക പ്രഖ്യാപനം നടത്തിയിട്ടില്ല.
എന്നാൽ എ ടി കെ സ്വന്തമാക്കാൻ ഒരുങ്ങുന്ന ബിഗ് ഫിഷ് ഫ്ലോറേറ്റിന് അല്ല എന്നാണ് പുറത്തു വരുന്ന റിപ്പോർട്ടുകൾ. ഇത് സൂചിപ്പിക്കുന്നത് എ ടി കെ ഇനിയും ഇന്ത്യൻ ഫുട്ബോളിനെ ഞെട്ടിപ്പിക്കുന്ന ട്രാൻസ്ഫർ നടത്തുമെന്നാണ്. ഈ ട്രാൻസ്ഫർ വാർത്തകൾക്ക് വേണ്ടി നമുക്ക് കാത്തിരിക്കാം.