Mathews Renny
ഇന്നലെ നടന്ന സൺ രൈസേഴ്സ് ഹൈദരാബാദ് ഡൽഹി ക്യാപിറ്റൽസ് മത്സരം പല കാര്യങ്ങൾ കൊണ്ട് പ്രത്യേകതാ നിറഞ്ഞതായിരുന്നു. അതിൽ ഏറ്റവും വലിയ പ്രത്യേകതാ എന്താണെന്ന് വെച്ചാൽ ഡേവിഡ് വാർണർ തന്റെ പഴയ ടീമായ സൺ രൈസേഴ്സ് ഹൈദരാബാദിനെതിരെ കളിക്കാൻ ഇറങ്ങി എന്നത് തന്നെയായിരുന്നു. മത്സരത്തിൽ ഡൽഹി വിജയിക്കുകയും ചെയ്തു.
തന്നെ അപമാനിച്ചു പറഞ്ഞു വിട്ട ഹൈദരാബാദിനെതിരെ അതി ഗംഭീര പ്രകടനമാണ് അദ്ദേഹം ഇന്നലെ നടത്തിയത്. മത്സരത്തിൽ 92 റൺസ് അദ്ദേഹം നേടി. വാർണർ തന്നെയായിരുന്നു കളിയിലെ താരം.
റോവമാൻ പവല്ലിന് ഒപ്പം 100 റൺസ് കൂട്ടുകെട്ട് അദ്ദേഹം ഉണ്ടാകുകയും ചെയ്തു. എന്നാൽ വാർണറിലെ ടീം മാൻ എന്താണെന്ന് കാട്ടി തരുന്ന ഒരു സംഭവം പുറത്ത് പറഞ്ഞിരിക്കുകയാണ് പവൽ. ഡൽഹി ഇന്നിങ്സിന്റെ അവസാന ഓവറിലായിരുന്നു സംഭവം.
അവസാന ഓവറിന് മുമ്പ് ഞാൻ ഡേവിഡ് വാർണറോട് സെഞ്ച്വറി തികയ്ക്കാൻ ഒരു സിംഗിൾ എടുക്കണമോ എന്ന് ചോദിച്ചു. അദ്ദേഹം പറഞ്ഞു, ‘നോക്കൂ, മനുഷ്യാ, ഞങ്ങൾ ക്രിക്കറ്റ് കളിക്കുന്നത് ഇങ്ങനെയല്ല. നിങ്ങൾക്ക് ഒരു പന്തിൽ എത്ര അധികം റൺസ് അടിക്കാം അത്രയും നേടൂ എനിക്ക് വേണ്ടി സ്ട്രൈക്ക് മാറേണ്ട”. മാച്ചിന് ശേഷം റോവ്മാൻ പവൽ പറഞ്ഞു.
