Abhishek
ഇന്ത്യൻ സൂപ്പർ ലീഗിന്റെ 2024-25 സീസൺ മുന്നോടിയായി ഗോകുലം കേരള എഫ്സിയിൽ നിന്ന് മലയാളി താരം ശ്രീക്കുട്ടൻ വിഎസിനെ സ്വന്തമാക്കിയിരിക്കുകയാണ് ജംഷഡ്പൂർ എഫ്സി.
സാമൂഹിക മാധ്യമങ്ങൾ വഴി ക്ലബ്‌ തന്നെയാണ് ഈ കാര്യം ആരാധകരെ ഔദ്യോഗികമായി അറിയിച്ചത്. ട്രാൻസ്ഫ വിൻഡോയുടെ തുടക്കം മുതലെ താരം ജംഷഡ്പൂർ എഫ്സിയിൽ ചേരും പറഞ്ഞു റിപ്പോർട്ടുകൾ പുറത്ത് വന്നിരുന്നു.
2027 വരെ നീള്ളുന്ന മൂന്ന് വർഷ കരാറിലാണ് താരം ജംഷഡ്പൂരിലെത്തുന്നത്. 2020-21 സീസണിൽ ബ്ലാസ്റ്റേഴ്‌സിന്റെ റിസേർവ് ടീമിലൂടെയാണ് താരം ഫുട്ബോൾ കരിയറിന് തുടക്കം കുറിക്കുന്നത്.
പിന്നീട് ഗോകുലം താരത്തെ ലോണിൽ സ്വന്തമാക്കുകയും പിന്നീട് സ്ഥിര കരാറിൽ സ്വന്തമാക്കുകയായിരുന്നു. 25കാരൻ ഗോകുലത്തിനായി 69 മത്സരങ്ങൾ നിന്ന് ആറ് ഗോളും ഒമ്പത് അസ്സിസ്റ്റും സ്വന്തമാക്കിയിട്ടുണ്ട്.
