Faf
ഐഎസ്എൽ ചരിത്രത്തിൽ ഒരുപിടി മികച്ച താരങ്ങളെ ടീമിലെത്തിക്കാൻ കേരളാ ബ്ലാസ്റ്റേഴ്‌സിന് സാധിച്ചിട്ടുണ്ട്. ഇയാൻ ഹ്യൂം, ഹോസു, പീയേഴ്സൺ, ഹെങ്ബർട്ട് അങ്ങനെ മികച്ച താരങ്ങളെ ഐഎസ്എല്ലിലേക്കെത്തിച്ചത് കേരളാ ബ്ലാസ്റ്റേഴ്‌സാണ് അത്തരത്തിൽ ബ്ലാസ്റ്റേഴ്‌സ് ടീമിലെത്തിച്ച 5 മികച്ച താരങ്ങളെ പരിചയപ്പെടാം
- ഇയാൻ ഹ്യൂം
ബ്ലാസ്റ്റേഴ്‌സ് ആരാധകർക്ക് ഒരിക്കലും മറക്കാൻ സാധിക്കാത്ത താരമാണ് ഇയാൻ ഹ്യൂം എന്ന ഹ്യൂമേട്ടൻ. 2014, 2017-18 സീസണിൽ ബ്ലാസ്റ്റേഴ്‌സിന് വേണ്ടി കളിച്ച ഹ്യൂം ബ്ലാസ്റ്റേഴ്‌സിന് വേണ്ടി ആദ്യമായി 10 ഗോളുകൾ തിളയ്ക്കുന്ന താരമാണ്. ബ്ലാസ്റ്റേഴ്‌സിന് വേണ്ടി 29 മത്സരങ്ങൾ കളിച്ച ഹ്യൂമേട്ടൻ 10 ഗോളുകൾ തന്റെ പേരിലാക്കിയിട്ടുണ്ട്
- സെഡറിക്ക് ഹെങ്ബെർട്ട്
2016 ഫൈനലിൽ എടികെയ്ക്കെതിരെ ബ്ലാസ്റ്റേഴ്‌സിന്റെ പെനാൽറ്റി മിസ്സ്‌ ചെയ്തുവെങ്കിലും ബ്ലാസ്റ്റേഴ്‌സ് ആരാധകരുടെ വല്യേട്ടനാണ് ഫ്രഞ്ച് കാരൻ ഹെങ്ബെർട്ട്. പ്രതിരോധനിരയിലെ നെടുംതൂണായ ഹെങ്ബെർട്ട് 2014, 2016 സീസണുകളിലാണ് ബ്ലാസ്റ്റേഴ്‌സിന് വേണ്ടി കളിച്ചത്. ബ്ലാസ്റ്റേഴ്‌സിന് വേണ്ടി 30 മത്സരങ്ങളിൽ വല്യേട്ടൻ ബൂട്ടണിഞ്ഞിട്ടുണ്ട്.
- ആരോൺ ഹ്യുഗ്സ്
2016 യൂറോ കപ്പ് കളിച്ച നോർത്തേൻ ഐയർലാൻഡിൽ നിന്നുമാണ് ഈ പ്രതിരോധ താരത്തെ ബ്ലാസ്റ്റേഴ്‌സ് 2016-2017 സീസണിൽ സ്വന്തമാക്കുന്നത്. പ്രതിരോധനിരയിൽ മികച്ച സാനിധ്യമായി ഹ്യുഗ്സ് പ്രതീക്ഷകൾ കാത്തു. 11 മത്സരങ്ങളാണ് അദ്ദേഹം ബ്ലാസ്റ്റേഴ്‌സിന് വേണ്ടി കളിച്ചത്.
- അഡ്രിയാൻ ലൂണ
നിലവിൽ ബ്ലാസ്റ്റേഴ്‌സ് താരമായ ലൂണ കഴിഞ്ഞ സീസണിലേത് ഇത്തവണയും ബ്ലാസ്റ്റേഴ്‌സിന്റെ തുറുപ്പുചീട്ടാണ്. 2024 വരെ ബ്ലാസ്റ്റേഴ്‌സിൽ കരാറുള്ള ലൂണ കഴിഞ്ഞ സീസണിൽ 7 ഗോളുകളും 7 അസിസ്റ്റന്റുകളും തന്റെ പേരിലാക്കിയിരുന്നു. ബ്ലാസ്റ്റേഴ്‌സ് ചരിത്രത്തിലെ ഏറ്റവും മികച്ച തരമായാണ് ലൂണയെ കണക്കാക്കുന്നത്.
- ഓങ്ബച്ചേ
ഒരൊറ്റ സീസണിൽ മാത്രമേ ബ്ലാസ്റ്റേഴ്‌സിന് വേണ്ടി കളിച്ചിട്ടുള്ളു എങ്കിലും ബ്ലാസ്റ്റേഴ്‌സ് ചരിത്രത്തിലെ ടോപ് സ്കോറാണ് ഓങ്ബച്ചേ. 2019 – 20 സീസണിലാണ് നോർത്ത് ഈസ്റ്റിൽ നിന്നും ഈ നൈജീരിയൻ ഈഗിൽ ബ്ലാസ്റ്റേഴ്‌സിൽ എത്തുന്നത്. ആദ്യസീസണിൽ തന്നെ 15 ഗോളുകൾ നേടി താരം ബ്ലാസ്റ്റേഴ്‌സിന്റെ എക്കാലത്തെയും ടോപ് സ്കോററായി. ഓങ്ബച്ചേയെ തൊട്ടടുത്ത സീസണിൽ ബ്ലാസ്റ്റേഴ്‌സ് നിലനിർത്താത് പ്രതിഷേധങ്ങൾക്ക് കാരണമായിരുന്നു. നിലവിൽ ഹൈദ്രബാദ് എഫ്സിയിലാണ് താരം കളിക്കുന്നത്.
