Mirsha Manhappatta
ഹീറോ ഇന്ത്യൻ സൂപ്പർ ലീഗ് ഒൻപതാം സീസണിലെ പതിനെട്ടാം മത്സരത്തിൽ കേരളാ ബ്ലാസ്റ്റേഴ്സിനെതിരെ ഏകപക്ഷീയമായ ഗോളിന് വിജയം സ്വന്തമാക്കി ബെംഗളൂരു എഫ്‌സി പ്ലേ ഓഫ് സാധ്യതകൾ നിലനിർത്തിരിക്കുകയാണ്.
മത്സരത്തിൽ ബെംഗളൂരു താരം റോയ് കൃഷ്ണയാണ് വിജയഗോൾ നേടിയത്. ബെംഗളുരുവിന്റെ തുടർച്ചയായ ആറാം വിജയമായിതു മാറുമ്പോൾ കേരളാ ബ്ലാസ്റ്റേഴ്സിന്റെ ഈ സീസണിലെ ഏഴാം തോൽവിയാണിത്. അതിൽ അഞ്ചു തോൽവികളും എവേ മത്സരങ്ങളിൽ നിന്നായിരുന്നു. ഇരു ടീമുകളും ഏറ്റുമുട്ടിയ ലീഗിലെ ആദ്യ ഘട്ട മത്സരത്തിൽ കേരളാ ബ്ലാസ്റ്റേഴ്‌സ് വിജയിച്ചിരുന്നു.
“ഇതൊരു നല്ല ഗെയിമായിരുന്നു, ഗെയിം നിയന്ത്രിക്കാൻ ഞങ്ങൾക്ക് സാധിച്ചു.ടീം നടത്തിയ പ്രകടനത്തിൽ ഞങ്ങൾ സംതൃപ്തരാണ്. ഫിനീഷിംഗിൽ ഞങ്ങൾക്ക് പോരായ്മ ഉണ്ടായിരുന്നു. ആ കാര്യത്തിൽ ഞങ്ങള്ക് ആശങ്കയുണ്ട്, പരിഹരിച്ച് ഞങ്ങൾ തിരിച്ചെത്തും.”
“റിസ്ക് എടുക്കണം, അങ്ങനെയാണ് ഫുട്ബോൾ പ്രവർത്തിക്കുന്നത്. അപ്പോഴും എന്റെ കളിക്കാർ മികച്ച പ്രകടനം കാഴ്ചവച്ചു, പരിശീലകനെന്ന നിലയിൽ ഞാൻ അഭിമാനിക്കുന്നു. ഇതൊരു കടുപ്പമേറിയ കളിയായിരുന്നു, ബെംഗളൂരു എഫ്‌സി ഒരു മികച്ച ടീമാണ്, ”അദ്ദേഹം കൂട്ടിച്ചേർത്തു.
