ഇന്ത്യൻ സൂപ്പർ ലീഗിന്റെ (ഐഎസ്എൽ) എട്ടാം സീസൺ നവംബർ 19 വെള്ളിയാഴ്ച ഗോവയിൽ ആരംഭിക്കും. കഴിഞ്ഞ സീസണിലെ ആദ്യ ദിന മത്സരത്തിന്റെ ആവർത്തനമായി കൊൽക്കത്ത വമ്പൻമാരായ എടികെ മോഹൻ ബഗാൻ കേരള ബ്ലാസ്റ്റേഴ്സിനെ നേരിടും. ലീഗിലെ ഏറ്റവും ജനപ്രിയ ക്ലബ്ബുകളിലൊന്നായ കേരള ബ്ലാസ്റ്റേഴ്സ് കഴിഞ്ഞ ഏഴ് സീസണുകളിലായി ഉൽഘാടന ദിന മത്സരത്തിൽ പങ്കെടുക്കുന്നുണ്ട്.
ഐഎസ്എല്ലിന്റെ മറ്റൊരു പതിപ്പിന് ടീമുകൾ ഒരുങ്ങുമ്പോൾ, ലീഗിന്റെ ചരിത്രത്തിൽ ഏറ്റവും കൂടുതൽ തോൽവികൾ ഏറ്റുവാങ്ങിയ ടീമുകളെ നമുക്ക് നോക്കാം. ഐഎസ്എല്ലിൽ ഏറ്റവും കൂടുതൽ മത്സരങ്ങൾ തോറ്റത് തെന്നിന്ത്യൻ ടീമായ കേരള ബ്ലാസ്റ്റേഴ്സാണ്. ഐഎസ്എല്ലിലെ ആകെ 122 മത്സരങ്ങളിൽ, 47 എണ്ണത്തിലും ബ്ലാസ്റ്റേഴ്സ് പരാജയപ്പെട്ടു.
തോൽവി ശതമാനം 38.52 ആണ്, ഇത് ഇപ്പോൾ നിലവിലില്ലാത്ത എഫ്സി പൂനെ സിറ്റിക്ക് ശേഷം ലീഗിലെ ഏറ്റവും ഉയർന്ന രണ്ടാമത്തെ തോൽവി ശതമാനമാണ് ( 80 മത്സരങ്ങളിൽ 34 എണ്ണം.).
120 മത്സരങ്ങളിൽ നിന്ന് 46 മത്സരങ്ങൾ വീതം തോറ്റ നോർത്ത് ഈസ്റ്റ് യുണൈറ്റഡും 127 മത്സരങ്ങളിൽ നിന്ന് ചെന്നൈയിൻ എഫ്സിയുമാണ് ബ്ലാസ്റ്റേഴ്സിന് പിന്നാലെയുള്ളത്. ഏറ്റവുമധികം തോൽവികൾ ഏറ്റുവാങ്ങിയ ആദ്യ 10 ടീമുകളിൽ, ഇപ്പോൾ നിലവിലില്ലാത്ത മൂന്ന് ടീമുകൾ പട്ടികയിൽ ഇടംപിടിച്ചു.
സ്ഥാനം, ക്ലബ്ബ്, മത്സരങ്ങൾ, പരാജയം, പരാജയ ശതമാനം എന്നീ ക്രമത്തിൽ താഴെ കൊടുക്കുന്നു…
1. കേരള ബ്ലാസ്റ്റേഴ്സ്, 122, 47, 38.52
2. നോർത്ത് ഈസ്റ്റ് യുണൈറ്റഡ്, 120, 46, 38.33
3.ചെന്നൈയിൻ എഫ്സി,ബി127, 46, 36.22
4.മുംബൈ സിറ്റി എഫ്സി, 123, 42, 34.14
5. എഫ്സി ഗോവ, 130, 37, 28.46
6. എഫ്സി പൂനെ സിറ്റി, 80, 34, 42.5
7.എടികെ എഫ്സി, 107, 32, 29.90
8. ഡൽഹി ഡൈനാമോസ്, 82, 31, 37..80
9.ജംഷഡ്പൂർ എഫ്സി, 74, 24, 32.43
10.ബെംഗളൂരു എഫ്സി, 82, 23, 28.04