ഒലെ ഗുന്നാർ സോൾഷ്യയർ നേടിയ കിരീടങ്ങൾ നിങ്ങൾക്കറിയാമോ?

നിലവിലെ മാഞ്ചസ്റ്റർ യുണൈറ്റഡ് പരിശീലകനായ ഒലെ ഗുന്നർ സോൾഷ്യയർ മാഞ്ചസ്റ്റർ യുണൈറ്റഡ് ക്ലബ് ഇതിഹാസവും ആരാധകരുടെ പ്രിയങ്കരനുമാണ്, 1999 ലെ ചാമ്പ്യൻസ് ലീഗ് ഫൈനൽ ഹീറോയാണ് അദ്ദേഹം. കാരണം, ബയേൺ മ്യൂണിക്കിനെതിരെ റെഡ് ഡെവിൾസിനായി അവസാന നിമിഷഗോൾ നേടുന്നത് സോൾഷ്യയറാണ്, നേടിയത് ചാമ്പ്യൻസ് ലീഗ് കിരീടമാണ്.

2018-19 സീസണിൽ ജോസ് മൗറീഞ്ഞോയെ മാഞ്ചസ്റ്റർ യുണൈറ്റഡ് ക്ലബിൽ നിന്ന് പുറത്താക്കിയതിനെത്തുടർന്നാണ് മുൻ താരമായ ഒലെ ഗുന്നർ സോൾഷ്യയർ കെയർടേക്കർ മാനേജരായി നിയമിക്കപ്പെടുന്നത് , നോർവീജിയൻ ടീമായ മോൾഡെയെ മാത്രമേ addeഒലെ ഗുന്നർ സോൾഷ്യയർ ഉയർന്ന തലത്തിൽ പരിശീലിപ്പിച്ചിട്ടുള്ളത് .

മുൻ നോർവേ ഇന്റർനാഷണൽ താരം കൂടിയായ ഒലെ ഗുന്നർ സോൾഷ്യയർ പരിശീലകൻ , കളിക്കാരൻ എന്നീ നിലകളിൽ എത്ര ട്രോഫികൾ നേടിയിട്ടുണ്ട്? എന്തായാലും അതൊന്നു പരിശോധിച്ചുനോക്കാം .

ഒലെ ഗുന്നർ സോൾഷ്യയർ പരിശീലകൻ എന്ന നിലയിൽ എത്ര ട്രോഫികൾ നേടിയിട്ടുണ്ട്?

സോൾഷ്യയർ നേടിയ ഏറ്റവും അഭിമാനകരമായ ബഹുമതികൾ, മോൾഡെയെ പരിശീലിപ്പിക്കുന്ന സമയത്താണ്, ടിപ്പെലിഗേൻ (നോർവേയുടെ ഫുട്ബോൾ ലീഗ് സമ്പ്രദായത്തിലെ ഏറ്റവും മികച്ചത്) കൂടാതെ നോർവീജിയൻ ഫുട്ബോൾ കപ്പും (രാജ്യത്തെ പ്രീമിയർ കപ്പ് മത്സരം) എന്നിവയെല്ലാം നേടിയതാണ്.

കൂടാതെ , മാഞ്ചസ്റ്റർ യുണൈറ്റഡ് റിസർവ്സിന്റെ പരിശീലകൻ എന്ന നിലയിൽ, സോൾഷ്യയർ ലങ്കാഷയർ സീനിയർ കപ്പും മാഞ്ചസ്റ്റർ സീനിയർ കപ്പും നേടിയിട്ടുണ്ട്.

എന്നാൽ മാഞ്ചസ്റ്റർ യുണൈറ്റഡിന്റെ സീനിയർ ടീമിന്റെ പരിശീലകൻ എന്ന നിലയിൽ സോൾഷ്യയർ ഇതുവരെ ഒരു പ്രധാന ട്രോഫി നേടിയിട്ടില്ല . 2020-21ൽ യൂറോപ്പ ലീഗ് ഫൈനലിലെത്തിയതാണ് ഓൾഡ് ട്രാഫോർഡിലെ ചുവന്ന ചെകുത്താന്മാരുടെ ടീമിനൊപ്പം ട്രോഫി നേടുന്നതിന് അദ്ദേഹം ഏറ്റവും അടുത്തെത്തിയത്, എന്നാൽ പെനാൽറ്റിയിൽ തോറ്റതിന് ശേഷം വില്ലാറിയലിനോട് തോൽവി സമ്മതിക്കേണ്ടി വന്നു. നിശ്ചിത സമയത്ത് കളി 1-1ന് അവസാനിച്ചപ്പോൾ 11-10 നാണ് പെനാൽറ്റിഷൂട്ടൗട്ടിൽ വില്ലാറയൽ വിജയിക്കുന്നത് .

ഒരു ഫുട്ബോൾ താരമെന്ന നിലയിൽ അദ്ദേഹം എത്ര ട്രോഫികൾ നേടിയിട്ടുണ്ട് എന്ന് നോക്കാം…

മാഞ്ചസ്റ്റർ യുണൈറ്റഡിനൊപ്പം ആറ് പ്രീമിയർ ലീഗ് കിരീടങ്ങൾ (പ്രീമിയർ ലീഗ്, ചാമ്പ്യൻസ് ലീഗ്, എഫ്‌എ കപ്പ് എന്നിവ അടങ്ങുന്ന 1998-99 ലെ ട്രെബിൾ നേടിയത് ഉൾപ്പെടെ) നേടിയ സോൾഷ്യയറിന്റെ കളിജീവിതത്തിൽ നിന്നുള്ള ട്രോഫി കാബിനറ്റ് പൂർണ്ണമായും അടുക്കിയിരിക്കുന്നു.

1996ലും 2003ലും രണ്ട് തവണ മാഞ്ചസ്റ്റർ യുണൈറ്റഡിനൊപ്പം കമ്മ്യൂണിറ്റി ഷീൽഡും അദ്ദേഹം ഉയർത്തിയിട്ടുണ്ട്.