പാരീസ്: തിങ്കളാഴ്ച പാരീസിൽ വച്ച് നടന്ന ചടങ്ങിൽ ഏഴാം തവണയും പുരുഷ ബാലൺ ഡി ഓർ പുരസ്കാരം സ്വന്തമാക്കി ലയണൽ മെസ്സി.
2019ലെ ബാലൺ ഡി ഓറിന്റെ അവസാന പതിപ്പിലും 34 വയസുള്ള താരം തന്നെയായിരുന്നു വിജയി. കഴിഞ്ഞ വർഷത്തെ അവാർഡുകൾ പകർച്ചവ്യാധി കാരണം റദ്ദാക്കപ്പെട്ടിരുന്നു.
ബാഴ്സലോണയ്ക്കൊപ്പം കോപ്പ ഡെൽ റേ നേടിയതും തുടർന്ന് ഓഗസ്റ്റിൽ പാരീസ് സെന്റ് ജെർമെയ്നിലേക്ക് കൂടുമാറുന്നതിനു മുമ്പ് അർജന്റീനയെ കോപ്പ അമേരിക്കയുടെ ജേതാക്കളാക്കിയതുമാണ് മെസ്സിയെ പുരസ്കാരത്തിന് അർഹനാക്കിയത്.