Mathews Renny
കഴിഞ്ഞ ഇന്ത്യൻ സൂപ്പർ ലീഗ് സീസണാണ് തന്റെ ഏറ്റവും മികച്ച സീസൺ എന്ന് കേരള ബ്ലാസ്റ്റേഴ്‌സിന്റെ മലയാളി സൂപ്പർ താരം സഹൽ . ദി ബ്രിഡ്ജിന് കൊടുത്ത അഭിമുഖത്തിൽ സംസാരിക്കുകയായിരുന്നു അദ്ദേഹം. സഹലിന്റെ വാക്കുകളിലേക്ക്.
എല്ലാ തരത്തിലും ഈ സീസൺ എന്റെ ഇതുവരെയുള്ള ഏറ്റവും മികച്ചതായിരുന്നു. എനിക്ക് എത്രമാത്രം ആത്മവിശ്വാസം തോന്നി എന്നതാണ് ഏറ്റവും നല്ല കാര്യം. കോച്ചും എന്റെ ടീമംഗങ്ങളും എന്നിൽ കാണിച്ച ആത്മവിശ്വാസം പുറത്തേടേതു ചെയ്യാൻ എന്നെ സഹായിച്ചു, അതുകൊണ്ടാണ് എനിക്ക് നന്നായി ചെയ്യാൻ കഴിഞ്ഞതെന്ന് ഞാൻ കരുതുന്നു, അടുത്ത സീസൺ ഇതിലും മികച്ചതായിരിക്കുമെന്ന് ഞാൻ പ്രതീക്ഷിക്കുന്നു. ഒന്നും മാറുന്നില്ല. കഠിനാധ്വാനം ചെയ്തു കൊണ്ടേയിരിക്കും.
യൂറോപ്യൻ ക്ലബ്ബിലേക്ക് ട്രെയിനിങ് പോകുന്നതിനെ പറ്റിയുള്ള അഭ്യൂഹങ്ങളെ പറ്റി സഹൽ പ്രതികരിച്ചത് ഇങ്ങനെയായിരുന്നു. ബ്ലാസ്റ്റേഴ്‌സ് എന്നാൽ എനിക്ക് എല്ലാം ആണ്. അവർ എന്നെ കണ്ടെത്തി, എന്നെ ഒരു മികച്ച കളിക്കാരനാകാൻ സഹായിക്കുകയും ചെയ്തു. എന്നെങ്കിലും വിദേശത്ത് 2-3 ആഴ്ച പരിശീലന ഇന്റേൺഷിപ്പ് ചെയ്യുന്നത് വളരെ മികച്ചതായിരിക്കും. എന്നാൽ ഇപ്പോൾ ഞാൻ ഒരു ബ്ലാസ്റ്റേഴ്‌സ് കളിക്കാരനാണ്.
സീസണിൽ തനിക്ക്‌ ഏറ്റവും ഇഷ്ടപെട്ട ഗോൾ മുംബൈ സിറ്റി എഫ് സി ക്കെതിരെ നേടിയ വോളി ആണെന്നും.താൻ ഇപ്പോഴും തന്റെ മനസ്സിൽ ആ ഗോൾ സൂക്ഷിക്കുന്നുവെന്നും അത് തന്നെ സംബന്ധിച്ചിടത്തോളം വളരെ പ്രത്യേകത നിറഞ്ഞ ഗോളാണെന്നും സഹൽ കൂട്ടിച്ചേർത്തു.
ഇന്ത്യൻ സൂപ്പർ ലീഗിന്റെ കഴിഞ്ഞ സീസണിൽ തന്റെ എക്കാലത്തെയും മികച്ച പ്രകടനമാണ് സഹൽ പുറത്തെടുത്തത്. അദ്ദേഹത്തിന്റെ മികച്ച ബ്ലാസ്റ്റേഴ്‌സ് ഫൈനൽ വരെ കുതിച്ചിരുന്നു. കഴിഞ്ഞ സീസണിൽ ബ്ലാസ്റ്റേഴ്‌സിന് വേണ്ടി ബൂട്ട് കെട്ടിയ 21 മത്സരങ്ങളിൽ നിന്ന് ആറു ഗോളും ഒരു അസ്സിസ്റ്റും അദ്ദേഹം സ്വന്തമാക്കി.
