ടോപ് ഫോറിൽ തിരകെയെത്താൻ സഞ്ജുവും കൂട്ടരും ഇന്നിറങ്ങുമ്പോൾ രാജസ്ഥാൻ നേരിടുന്ന ഏറ്റവും വലിയ തിരച്ചടി ഇതാണ്…

ഇന്ത്യൻ പ്രീമിയർ ലീഗ് പോയിന്റ് ടേബിളിൽ ആദ്യ നാലിൽ തിരകെയെത്താൻ രാജസ്ഥാൻ ഇന്ന് ഇറങ്ങുന്നു. എതിരാളികൾ ശ്രെയസ് അയ്യറിന്റെ നേതൃത്തിൽ ഇറങ്ങുന്ന കൊൽക്കത്ത നൈറ്റ്‌ റൈഡഴ്സ്. മത്സരം ഇന്ത്യൻ സമയം രാത്രി 7:30 ക്ക്‌ ബ്രാബോണ് സ്റ്റേഡിയത്തിൽ.

കഴിഞ്ഞ മത്സരം ഹാർഡിക് പാന്ധ്യ നയിക്കുന്ന ഗുജറാത്ത്‌ ടൈറ്റൻസിനെതിരെ രാജസ്ഥാൻ റോയൽസ് തോൽവി രുചിച്ചിരുന്നു. ഈ ഐ പി എൽ സീസണിൽ ഏറ്റവും മികച്ച ടീമുകളിൽ ഒന്നായ രാജസ്ഥാൻ റോയൽസ് നേരിടുന്ന ഏറ്റവും വലിയ തിരച്ചടി കഴിഞ്ഞ മത്സരങ്ങളിൽ വെളിവായതാണ്. അവസാന ഓവറുകളിലെ റൺ ഒഴുക്ക് തടയാൻ ബുദ്ധിമുട്ടുന്നത് തന്നെയാണ് സഞ്ജുവും കൂട്ടരും നേരിടുന്ന ഏറ്റവും വലിയ വെല്ലുവിളി.

ഈ സീസണിൽ രാജസ്ഥാൻ റോയൽസ് 16 മുതൽ 20 വരെയുള്ള ഓവറുകളിൽ ഒരു മത്സരത്തിൽ ഒരു വിക്കറ്റ് എന്നാ കണക്കിലാണ് വിക്കറ്റ് എടുത്ത് കൊണ്ടിരിക്കുന്നത്. ഇത് സീസണിൽ ഏറ്റവും മോശം പ്രകടനങ്ങളിൽ ഒന്നാണ്.12.78 ഇക്കോണമി നിരക്കിലാണ് രാജസ്ഥാൻ ഡെത്ത് ഓവറുകളിൽ റൺസ് വഴങ്ങുന്നത്.

ഈ പ്രശ്നം പരിഹരിക്കാതെ സഞ്ചുവിനും ടീമിനും അധികം ദൂരം മുന്നോട്ട് പോകാൻ സാധിക്കില്ല. പരിക്ക് മാറി ബോൾട്ട് തിരിച്ചെത്തുമോ എന്ന് ഉറപ്പില്ല. ടീമുകളുടെയും സാധ്യത ഇലവൻ ചുവടെ ചേർക്കുന്നു.

രാജസ്ഥാൻ റോയൽസ്: 1 ജോസ് ബട്ട്‌ലർ, 2 ദേവ്ദത്ത് പടിക്കൽ, 3 സഞ്ജു സാംസൺ (ക്യാപ്റ്റൻ & വിക്കറ്റ്), 4 റാസി വാൻ ഡെർ ഡസ്സെൻ, 5 ഷിമ്രോൺ ഹെറ്റ്‌മെയർ, 6 റിയാൻ പരാഗ്, 7 ജെയിംസ് നീഷാം / ട്രെന്റ് ബോൾട്ട്, 8 ആർ അശ്വിൻ, 9 പ്രസീദ് കൃഷ്ണ, 910 യുസ്വേന്ദ്ര ചാഹൽ, 11 കുൽദീപ് സെൻ.

കൊൽക്കത്ത നൈറ്റ് റൈഡേഴ്‌സ്: 1 വെങ്കിടേഷ് അയ്യർ, 2 ആരോൺ ഫിഞ്ച്, 3 ശ്രേയസ് അയ്യർ (ക്യാപ്റ്റൻ), 4 നിതീഷ് റാണ, 5 ഷെൽഡൺ ജാക്‌സൺ (വിക്കറ്റ്), 6 ആന്ദ്രെ റസൽ, 7 സുനിൽ നരെയ്ൻ, 8 പാറ്റ് കമ്മിൻസ്, 9 അമൻ ഖാൻ, 10 ​​ഉമേഷ് യാദവ്. 11 വരുൺ ചക്രവർത്തി.