കേരള ബ്ലാസ്റ്റേഴ്സ് ആരാധകർ ഈ ഒരു ദുഃഖ വാർത്തയാണ് ഇപ്പോൾ പുറത്തു വന്നിരിക്കുന്നത് കഴിഞ്ഞ മത്സരങ്ങളിൽ പ്രതിരോധത്തിന് ഒരു കോട്ടയായി കാവൽ നിന്ന എനെസ് സിപോവിച്ചിന് ചെറിയ പരിക്ക് പറ്റിയെന്നും ഹർമൻജോത് ഖബ്ര പരിശീലനത്തിൽ തിരിച്ചെത്തിയെന്നും കേരള ബ്ലാസ്റ്റേഴ്സ് എഫ്സി ഔദ്യോഗിക മായി അറിയിച്ചു. വിശദാംശങ്ങൾ ഇപ്രകാരമാണ്.
എസ്സി ഈസ്റ്റ് ബംഗാളിനെതിരായ മത്സരത്തിനിടെ എനെസ് സിപോവിച്ചിന്റെ ക്വാഡ്രിസെപ്സ് പേശിക്ക് ഗ്രേഡ് 1 നിലവാരത്തിൽ പരിക്ക് പറ്റിയിരുന്നു. അതുകൊണ്ട് അദ്ദേഹം ഒരു ചികിത്സയ്ക്കും പുനരധിവാസ പരിപാടിക്കും വിധേയനായിട്ടുണ്ട്, പരിക്കേറ്റ തീയതിയിൽ നിന്ന് സുഖം പ്രാപിക്കുന്നതിനെ ആശ്രയിച്ച് രണ്ട് ആഴ്ചയ്ക്കുള്ളിൽ അദ്ദേഹം കളിക്കളത്തിലേക്ക് മടങ്ങുമെന്ന് പ്രതീക്ഷിക്കുന്നു.
ഈസ്റ്റ് ബംഗാളിനെതിരായ മത്സരത്തിന് മുന്നോടിയായുള്ള പരിശീലനത്തിനിടെ ഖബ്രയ്ക്ക് ചെറിയൊരു പരിക്ക് അനുഭവപ്പെട്ടതായിരുന്നു. മുൻകരുതൽ എന്ന നിലയിൽ എംആർഐ സ്കാനിലൂടെ പരിശോധിച്ചു. അതിനുശേഷം അദ്ദേഹം ടീമിനൊപ്പം പരിശീലനം പുനരാരംഭിച്ചു.
എനെസ് സിപോവിച്ച് വേഗത്തിൽ സുഖം പ്രാപിക്കട്ടെയെന്ന് ബ്ലാസ്റ്റേഴ്സ് ആശംസിച്ചു, ഒപ്പം അദ്ദേഹത്തെ തിരികെ കാണാൻ കാത്തിരിക്കുകയാണ് ആരാധകർ.