പോൾ പോഗ്ബയുടെ സഹോദരൻ ഫ്ലോറൻറ്റീനോ പോഗ്ബയുൾപ്പടെയുള്ള താരങ്ങളെ ടീമിലെത്തിച്ച് വിജയം ലക്ഷ്യമാക്കി കളിക്കാനിറങ്ങിയ ATK മോഹൻ ബഗാന് ഞെട്ടിക്കുന്ന തോൽവി.
ഡ്യൂറണ്ട് കപ്പ് ഗ്രൂപ്പ് ‘ബി’ യിലെ മത്സരത്തിൽ ഐ ലീഗ് ക്ലബ്ബായ രാജസ്ഥാൻ യുണൈറ്റഡാണ് 3-2 സ്കോറിനു ATK മോഹൻ ബഗാനെ പരാജയപ്പെടുത്തിയത്.
കിയാൻ (43), മലയാളി താരമായ ആഷിക് കുരുണിയൻ (46) എന്നിവർ മോഹൻ ബഗാന് വേണ്ടി ഗോളുകൾ നേടിയപ്പോൾ അമങ്ങൾദീവ് (45), റെംസംഘ (61), നികും (95) എന്നിവർ നേടുന്ന ഗോളുകളിലാണ് രാജസ്ഥാൻ യുണൈറ്റഡ് വിജയമറിയുന്നത് .
2-2 സ്കോറിന്റെ സമനിലയിൽ കളി അവസാനിക്കുമെന്ന് തോന്നിയ നിമിഷത്തിൽ 95-മിനിറ്റിൽ വിജയഗോൾ നേടിയ 17-വയസ്സ് മാത്രം പ്രായമുള്ള നികുമാണ് ATK മോഹൻ ബഗാനെ പരാജയപ്പെടുത്താൻ രാജസ്ഥാൻ യുണൈറ്റഡിനെ സഹായിച്ചത്.