മുംബൈ ഇന്ത്യൻസ് താരത്തിനെതിരെ ഞെട്ടിപ്പിക്കുന്ന ആരോപണവുമായി രാജസ്ഥാൻ റോയൽസിന്റെ ഇന്ത്യൻ സൂപ്പർ താരം യൂസന്ദ്ര ചാഹൽ. രാജസ്ഥാൻ റോയൽസിന് കൊടുത്ത അഭിമുഖത്തിലാണ് താരം മനസ് തുറന്നത്. അദ്ദേഹത്തിന്റെ വാക്കുകളിലേക്ക്.
“2013ൽ ഞാൻ മുംബൈ ഇന്ത്യൻസിനൊപ്പമായിരുന്നു. ഞങ്ങൾക്ക് ബംഗളുരുവിൽ ഒരു മാച്ച് ഉണ്ടായിരുന്നു. അതിന് ശേഷം ഒരു ഗെറ്റ് ടുഗഡറും . ഒരു കളിക്കാരൻ ഉണ്ടായിരുന്നു, അദ്ദേഹം മദ്യപിച്ചിട്ടുണ്ടായിരുന്നു, ഞാൻ അദ്ദേഹത്തിന്റെ പേര് പറയുന്നില്ല .അദ്ദേഹം വളരെ മദ്യപിച്ചിരുന്നു; അവൻ നോക്കുകയായിരുന്നു. അവൻ എന്നെ വിളിച്ചു, അവൻ എന്നെ 15 ആം നിലയിലേക്ക് കൂട്ടികൊണ്ട് പോയി ബാൽക്കണിയിൽ നിന്ന് തള്ളി ഇടാൻ ശ്രമിച്ചു .
പെട്ടെന്ന് അവിടെയുണ്ടായിരുന്ന പലരും വന്ന് സ്ഥിതിഗതികൾ നിയന്ത്രണവിധേയമാക്കി. ഞാൻ ഒരു തരത്തിൽ മയങ്ങിപ്പോയി. അവർ എനിക്ക് വെള്ളം തന്നു, നിങ്ങൾ എവിടെയെങ്കിലും പോയാൽ നിങ്ങൾ എത്രത്തോളം ഉത്തരവാദിത്തമുള്ളവരായിരിക്കണമെന്ന് ഞാൻ മനസ്സിലാക്കി എന്നും ചാഹൽ കൂട്ടിച്ചേർത്തു.