Faf
യൂറോ കപ്പിൽ ഇംഗ്ലണ്ടിന് തിരിച്ചടി ലഭിക്കാൻ സാധ്യത. അവരുടെ സൂപ്പർ താരം ജൂഡ് ബെല്ലിങ്ഹാമുമായി ബന്ധപ്പെട്ട ഒരു വിവാദമാണ് ഇംഗ്ലണ്ടിന് തിരിച്ചടിയാവാൻ സാധ്യത വർധിപ്പിക്കുന്നത്. താരത്തിനെതിരെ യുവേഫ അന്വേഷണം പ്രഖ്യാപിച്ചിരിക്കുകയാണ്.
ALSO READ: അൽ നസ്റിന് ശേഷം ആ യൂറോപ്യൻ ക്ലബ്ബിൽ കളിച്ചേക്കാം; സൂചന നൽകി ക്രിസ്റ്റ്യാനോ റൊണാൾഡോ
യൂറോ കപ്പ് പ്രീ ക്വാർട്ടറിൽ സ്ലൊവാക്യയ്‌ക്കെതിരായ മത്സരത്തില്‍ ഗോള്‍ നേടിയ ശേഷം ബെല്ലിങ്ഹാം അശ്ലീല ആംഗ്യം കാണിച്ചുവെന്ന ആരോപണത്തിലാണ് യൂവേഫയുടെ അന്വേഷണം.
ALSO READ: അർജന്റീന v/s പോർച്ചുഗൽ; ആരാധകർ കാത്തിരിക്കുന്ന പോരാട്ടം നടക്കുമോ? ഒരൊറ്റ സാധ്യത മാത്രം…
മത്സരത്തില്‍ 90 മിനിറ്റ് പിന്നിടുമ്പോഴും ഇംഗ്ലണ്ട് ഒരു ഗോളിന് പിന്നിലായിരുന്നു.ഇഞ്ചുറി ടൈമില്‍ 95-ാം മിനിറ്റിലാണ് ബെല്ലിങ്ഹാമിന്റെ ബൈസിക്കിള്‍ കിക്കിലൂടെ വലയിലെത്തിച്ചത്. ഇതോടെ മത്സരം സമനിലയിലായിരുന്നു. പിന്നാലെ ഗോള്‍ ആഘോഷത്തില്‍ താരത്തിന്റെ കൈ ജനനേന്ദ്രിയത്തിന് നേരെയാണെന്നാണ് ആരോപണം.
ALSO READ: കോപ്പ- അമേരിക്ക; അർജന്റീനയ്ക്ക് ക്വാർട്ടർ എതിരാളികളായി
ആരോപണം ഉയർന്നതോടെ ദൃശ്യങ്ങള്‍ യുവേഫയുടെ പരിശോധനയിലാണ്. പരിശോധനയിൽ ബെല്ലിങ്ഹാം തെറ്റ് ചെയ്തതായി കണ്ടെത്തിയാൽ താരത്തിന് വിലക്ക് അടക്കം ലഭിക്കാൻ സാധ്യതയുണ്ടെന്നാണ് റിപ്പോർട്ടുകൾ.
ALSO READ: യുവതാരങ്ങൾ പോലും മുട്ട്മടക്കി; 39 ആം വയസ്സിൽ അപൂർവ റെക്കോർഡ് തൂക്കി റോണോ
അതേ സമയം ബെല്ലിങ്ഹാമിന്റെ ഗോളിൽ സമനിലയിലായ മത്സരം അധിക സമയത്തേയ്ക്ക് നീണ്ടു. ക്യാപ്റ്റൻ ഹാരി കെയ്ന്റെ ഗോളിൽ ഇംഗ്ലണ്ട് യൂറോ കപ്പിന്റെ ക്വാർട്ടർ ഫൈനലിലേക്ക് ജയിച്ചുകയറി. ക്വാർട്ടറിൽ സ്പെയിനാണ് ഇംഗ്ലണ്ടിന്റെ എതിരാളികൾ.
