Sanu
2022-2023 സീസണിലേക്കുള്ള രണ്ടാമത്തെ വിദേശ സൈനിങ്ങായി സ്പാനിഷ് താരം വിക്ടർ മോൻഗിൽനെ കേരള ബ്ലാസ്റ്റേഴ്‌സ് സ്വന്തമാക്കി. 29-കാരനായ വിക്ടർ മോൻഗിൽ ഇന്ത്യൻ സൂപ്പർ ലീഗിൽ 2020-ൽ ATK മോഹൻ ബഗാൻ കഴിഞ്ഞ സീസണിൽ ഒഡിഷ എഫ്. സിക്ക് വേണ്ടിയാണ് കളിച്ചത്. ഒഡിഷ എഫ്. സിയിൽ നിന്നാണ് താരത്തെ ഒരു വർഷ കരാറിൽ കേരള ബ്ലാസ്റ്റേഴ്‌സ് ടീമിലെത്തിച്ചത്.
ഗ്രീക്ക്-ഓസ്ട്രേലിയൻ താരം അപോസ്‌റ്റോലാസ് ജിയാനുവിന് ശേഷമുള്ള ആദ്യ വിദേശ സൈനിങ് താരമാണ് വിക്ടർ മോൻഗിൽ. സെന്റർ ബാക്ക് പൊസിഷനിൽ കളിക്കുന്ന താരം 2020, 2021-2022 എന്നീ രണ്ട് ISL സീസണുകളിൽ പന്ത് തട്ടിയിട്ടുണ്ട്.
താരത്തിന്റെ ഇന്ത്യൻ സൂപ്പർ ലീഗ് മത്സരങ്ങളുടെ കണക്കുകൾ എടുത്തു നോക്കുകയാണെങ്കിൽ ആരാധകർക്ക് പ്രതീക്ഷ ഏറെ നൽകുന്നത് തന്നെയാണ്. ATK മോഹൻ ബഗാന് വേണ്ടി 9 മത്സരങ്ങളും ഒഡിഷ എഫ്.സിക്ക് വേണ്ടി 19 മത്സരങ്ങളുമാണ് വിക്ടർ മോൻഗിൽ കളിച്ചിട്ടുള്ളത്. സെന്റർ ബാക്ക് പൊസിഷനിൽ കളിക്കുന്ന ഈ സ്പാനിഷ് താരത്തിന് ഇതുവരെ ISL ൽ ഗോളുകൾ നേടാനായിട്ടില്ല.
?| വിക്ടർ മോൻഗിൽന്റെ ഇന്ത്യൻ സൂപ്പർ ലീഗിലെ കണക്കുകൾ താഴെ കൊടുക്കുന്നു :
» 28 മത്സരങ്ങൾ
» 11 ഇന്റർസെപ്ഷൻസ്
» 118 ക്ലീയറൻസ്
» 916 പാസ്സുകൾ
» 1221 ടച്ചുകൾ
» 3 യെല്ലോ കാർഡുകൾ
കേരള ബ്ലാസ്റ്റേഴ്‌സ് ആരാധകർക്ക് പ്രതീക്ഷ നൽകുന്ന കണക്കുകൾ തന്നെയാണിത്. സ്പെയിൻ അണ്ടർ 17 നാഷണൽ ടീമിന് വേണ്ടി കുപ്പായമണിഞ്ഞ വിക്ടർ മോൻഗിൽ ബ്ലാസ്റ്റേഴ്‌സ് പ്രതിരോധത്തിൽ ഉരുക്കകോട്ട തീർക്കുന്ന കാഴ്ചക്ക് വേണ്ടി ആരാധകർ കാത്തിരിക്കുന്നു…
