Mathews Renny
ഇന്ത്യ ദക്ഷിണ ആഫ്രിക്ക രണ്ടാം ഏകദിനം മത്സരം ഇന്ന്. പരമ്പര നേടാൻ ദക്ഷിണ ആഫ്രിക്കയും ഒപ്പമെത്താൻ ഇന്ത്യയും. ഇന്ത്യൻ സമയം ഉച്ചക്ക് രണ്ട് മണിക്ക് മത്സരം ആരംഭിക്കും.
വാൻ ഡർ ഡസ്സന്റെയും ബാവുമയുടെയും ബാറ്റിംഗ് മികവിലും ലുങ്കി എൻഗിടി നയിക്കുന്ന ബൌളിംഗ് നിരയിലുമാണ് ദക്ഷിണ ആഫ്രിക്കയുടെ പ്രതീക്ഷ എങ്കിൽ ധവാന്റെയും കോഹ്ലിയുടെ ബാറ്റിംഗ് ഫോമിലാണ് ഇന്ത്യ പ്രതീഷവെക്കുന്നത്. ബൗളേർമാർ താളം കണ്ടെത്താൻ വിഷമിക്കുന്നതും മധ്യനിര ബാറ്റസ്മന്മാർ സാഹചര്യത്തിൻ അനുസരിച്ചു ഉയരാത്തതും ഇന്ത്യൻ ക്യാമ്പിന് തിരച്ചടിയാണ്.
ആദ്യ ഏകദിനത്തിലെ പ്ലെയിങ് ഇലവനിൽ നിന്ന് ഒരു മാറ്റവും വരുത്താതെ തന്നെയായിരിക്കും ഇരു ടീമുകളും മത്സരത്തിന് ഇറങ്ങുന്നത്. രുതുരാജ് ഗെയ്ക്വാദിന് അരങ്ങേറാൻ അവസരം ലഭിച്ചേക്കില്ല.
പിച്ച് സ്പിനിന് അനുകൂലമായിരിക്കുന്ന എന്നാണ് പുറത്തു വരുന്ന റിപ്പോർട്ടുകൾ. അത് കൊണ്ട് തന്നെ ടോസ് ലഭിക്കുന്ന ടീം ബാറ്റിംഗ് തിരെഞ്ഞെടുത്തേക്കും.
ആദ്യ ഏകദിന മത്സരത്തിൽ വാൻ ഡർ ഡസ്സന്റെയും ബാവുമയുടെ സെഞ്ച്വറി മികവിൽ ദക്ഷിണ ആഫ്രിക്ക 31 റൺസിന് വിജയിച്ചിരുന്നു.
