ഇന്ന് ഫിഫയും ഏഷ്യൻ ഫുട്ബോൾ ഫെഡറഷനും ഒരു മീറ്റിംഗ് നടത്തുകയുണ്ടായി.ഈ മീറ്റിങ്ങിലെ പ്രധാന അജണ്ട ഐ എസ് എല്ലിലെയും പ്രൊമോഷൻ റേലിഗേഷനുമായിരുന്നു. ഈ കാര്യം ഫിഫയും എ എഫ് സിയും അംഗീകരിച്ചു.
ഈ സീസൺ മുതൽ ഐ ലീഗും ഐ എസ് എല്ലിലും റേലിഗേഷനും പ്രൊമോഷനുമുണ്ടാകും. പക്ഷെ ഇപ്പോൾ പ്രമുഖ മാധ്യമ പ്രവർത്തകനായ മാർക്കസ് മെർഗുൽഹോ 2025 വരെ ഐ എസ് എല്ലിൽ തരംതാഴ്ത്തൽ ഉണ്ടാകില്ലെന്ന് വ്യക്തമാക്കിയിരിക്കുകയാണ്. അദ്ദേഹത്തിന്റെ വാക്കുകളിലേക്ക്.
എ എഫ് സി ജനറൽ സെക്രട്ടറി ഡാട്ടുക്ക് സെറി യെ ഉദ്ധരിച്ചു കൊണ്ടാണ് അദ്ദേഹം റിപ്പോർട്ട് ചെയ്തത്.അടുത്ത വർഷത്തെ ഐ ലീഗ് ജേതാക്കൾ 2023-24 ഇന്ത്യൻ സൂപ്പർ ലീഗിലേക്ക് പ്രൊമോഷൻ ലഭിക്കും.അത് പോലെ തന്നെ 2024-25 സീസൺ വരെ ഇന്ത്യൻ സൂപ്പർ ലീഗിൽ തരം താഴ്ത്തൽ ഉണ്ടാവില്ല.
ഈ സീസണിൽ ഒൻപത് മാസത്തെ മാസത്തെ ഫുട്ബോൾ കലണ്ടറാണ് ഇന്ത്യക്കുള്ളത്. ഓഗസ്റ്റിൽ ഡ്യുറണ്ട് കപ്പോടെ ആരംഭിക്കുന്ന സീസൺ മെയ്യിൽ സൂപ്പർ കപ്പോടെ അവസാനിക്കും. ആവേശകരമായ സീസൺ വേണ്ടി നമുക്ക് കാത്തിരിക്കാം