പ്രഥമ ഐ എസ് ൽ സീസണിൽ തന്നെ ബ്ലാസ്റ്റേഴ്സ് ഫൈനലിലേക്ക് കുതിച്ചിരുന്നു. ഞായറാഴ്ച ബ്ലാസ്റ്റേഴ്സ് തങ്ങളുടെ മൂന്നാമത്തെ ഫൈനലിനാണ് ഇറങ്ങുന്നത്. പ്രഥമ ഐ എസ് ൽ സീസണിൽ ബ്ലാസ്റ്റേഴ്സിൻ വേണ്ടി കളിച്ച താരങ്ങൾ ആരൊക്കെയാണെന്നും അവർ ഇപ്പോൾ എവിടെയാണെന്ന് നമുക്ക് ഒന്ന് തിരിഞ്ഞു നോക്കാം.
1.ഡേവിഡ് ജെയിംസ് – ഗോൾ കീപ്പർ
കേരള ബ്ലാസ്റ്റേഴ്സിന്റെ പ്രഥമ കോച്ചായിരുന്ന ഡേവിഡ് ജെയിംസ് തന്നെയായിരുന്നു ആദ്യ ഫൈനലിൽ ബ്ലാസ്റ്റേഴ്സിന്റെ ഗോൾ കീപ്പർ.ബ്ലാസ്റ്റേഴ്സിൻ വേണ്ടി 12 മത്സരങ്ങൾ അദ്ദേഹം കളിച്ചിട്ടുണ്ട്. നിലവിൽ അദ്ദേഹം ഫുട്ബോൾ പണ്ഡിറ്റായി ജോലി ചെയ്യുന്നു.
2.നിർമൽ ചേത്രി – റൈറ്റ് ബാക്ക്
ഐ എസ് ലിൽ ബ്ലാസ്റ്റേഴ്സിൻ പുറമെ നോർത്ത് ഈസ്റ്റ് യുണൈറ്റഡിനും എഫ് സി ഗോവെക്കും വേണ്ടി പന്ത് തട്ടിയ അദ്ദേഹം ഇപ്പോൾ വിശ്രമജീവിതത്തിലാണ്.
3.സന്ദേശ് ജിങ്കൻ – സെൻട്രൽ ബാക്ക്
നിലവിൽ ഇന്ത്യൻ സൂപ്പർ ലീഗ് ക്ലബ്ബായ എ ടി കെ മോഹൻ ബഗാൻ വേണ്ടിയാണ് താരം പന്ത് തട്ടുന്നത്.
4.കോളിന് ഫാൽവി – സെന്റർ ബാക്ക്
ഐറിഷ്കാരനായ ഈ സെന്റർ ബാക്ക് നിലവിൽ അമേരിക്കയിലെ രണ്ടാം ഡിവിഷൻ ക്ലബ്ബായ സാക്രമെന്റോ റിപ്പബ്ലിക് എഫ് സി യുടെ സഹപരിശീലകനാണ്.
5.സൗമിക് ദെയ് – ലെഫ്റ്റ് ബാക്ക്
2017 ൽ ഫുട്ബോളിൽ നിന്ന് വിരമിച്ച താരം എൻ ബി പി റൈൻബോ എ സി എന്നാ ക്ലബ്ബിന്റെ പരിശീലകനായി സേവനം അനുഷ്ടച്ചിരുന്നു.
6.മെഹതബ് ഹോസ്സൈൻ – ഡിഫെൻസീവ് മിഡ്ഫീൽഡർ
കേരള ബ്ലാസ്റ്റേഴ്സിൻ വേണ്ടി രണ്ട് ഫൈനൽ കളിച്ച താരം നിലവിൽ മദൻ മഹാരാജ് എഫ് സി എന്നാ ക്ലബ്ബിന്റെ ഉപദേശകനും കളിക്കാരനുമാണ്.
7.പുൽഗാ – അറ്റാക്കിങ് മിഡ് ഫീൽഡർ
കേരള ബ്ലാസ്റ്റേഴ്സ് ആരാധകരുടെ പ്രിയപ്പെട്ട താരങ്ങളിൽ ഒരാളായ പുൽഗാ ഇപ്പോൾ ഐ എസ് ൽ ക്ലബ്ബായ ഈസ്റ്റ് ബംഗാളിന്റെ സഹ പരിശീലകനാണ്
8.ഇഷ്ഫാഖ് അഹ്മദ് – റൈറ്റ് വിങ്ങർ
പ്രഥമ ഐ എസ് ൽ സീസൺ മുതൽ ഇന്ന് വരെയും കേരള ബ്ലാസ്റ്റേഴ്സിന്റെ കൂടെ തന്നെ ഇഷ്ഫാഖ് ഉണ്ട്. കളിക്കാരനായി തുടങ്ങിയ താരം ഇപ്പോൾ ബ്ലാസ്റ്റേഴ്സിന്റെ സഹ പരിശീലകനാണ്.
9.സ്റ്റീഫൻ പീഴ്സൺ – ലെഫ്റ്റ് വിങ്ങർ
പ്രഥമ ഇന്ത്യൻ സൂപ്പർ ലീഗ് സീസണിൽ കേരള ബ്ലാസ്റ്റേഴ്സിനെ ഫൈനലിലേക്കെത്തിച്ച എക്സ്ട്രാ ടൈം ഗോൾ നേടിയ താരം ഇപ്പോൾ വിശ്രമ ജീവിതത്തിലാണ്.
10. ഇയാൻ ഹ്യും – സെന്റർ ഫോർവേഡ്
കേരള ബ്ലാസ്റ്റേഴ്സിന്റെ പ്രിയപ്പെട്ട ഹ്യൂമേട്ടൻ ഇപ്പോൾ ഫുട്ബോൾ പണ്ഡിറ്റായി ജോലി ചെയ്യുന്നു.
11. മൈക്കൾ ചോപ്ര – ഫോർവേഡ്
ഫുട്ബോളിൽ നിന്ന് വിരമിച്ച ശേഷം ഫുട്ബോൾ ഏജന്റായിയാണ് താരം ജോലി ചെയ്യുന്നത്.
12.പെന്ന് ഒറിഗി – സബ്സ്ടിട്യൂട്ട്
2020 ൽ അവസാനമായി ഫുട്ബോൾ കളിച്ച താരം ഇപ്പോൾ വിശ്രമ ജീവിതത്തിലാണ്
13.സുശാന്റ് മാത്യു – സബ്സ്ടിട്യൂട്ട്
കേരള ബ്ലാസ്റ്റേഴ്സിനും ഗോകുലം കേരളക്കും വേണ്ടി ബൂട്ട് കെട്ടിയ അദ്ദേഹം 2019 ൽ ഫുട്ബോളിൽ നിന്ന് വിടചൊല്ലി.
പ്രഥമ ഐ എസ് ൽ സീസണിൽ ഡേവിഡ് ജെയിംസിനും മൂന്നാമത്തെ സീസണിൽ കോപൽ ആശാനും നഷ്ടപെട്ട കിരീടം കൊച്ചിയിലെത്തിക്കാൻ തന്നെയാണ് ഇവാനും കൂട്ടരും ഞായറാഴ്ച കളത്തിലേക്ക് ഇറങ്ങുന്നത്. എന്തായാലും ആവേശകരമായ ഫൈനലിൻ വേണ്ടി നമുക്ക് കാത്തിരിക്കാം.