റാമോസ് തന്നോട് പറഞ്ഞ കാര്യങ്ങൾ വെളിപ്പെടുത്തി റിയൽ മാഡ്രിഡ്‌ സൂപ്പർ താരം…

2020-ൽ തിയാഗോ സിൽവയുടെ വിടവാങ്ങലിന് ശേഷം PSG ക്ലബ്ബിന് നഷ്ടമായ ആ ഡിഫൻഡർ റോൾ നികത്താൻ സെർജിയോ റാമോസ് പാരീസ് സെന്റ് ജെർമെയ്‌നിലെത്തി. എന്നിരുന്നാലും, മുൻ റയൽ മാഡ്രിഡ് ക്യാപ്റ്റൻ പരിക്കുമായാണ് പാരിസിലേക്ക് വന്നത്, ഇതുവരെ PSG-ക്ക് വേണ്ടി വേണ്ടി അരങ്ങേറ്റം പോലും കുറിക്കാൻ അദ്ദേഹത്തിന് കഴിഞ്ഞിട്ടില്ല.

സെർജിയോ റാമോസ് ഉടൻ തന്നെ PSG-ക്ക് വേണ്ടിയുള്ള അരങ്ങേറ്റം കുറിച്ചെക്കുമെന്ന സൂചനയാണ് അദ്ദേഹത്തിന്റെ മുൻ റയൽ മാഡ്രിഡ് സഹതാരം ഡാനി കാർവാജൽ മാർക്കയുമായുള്ള അഭിമുഖത്തിൽ നൽകിയത്.

കഴിഞ്ഞ കുറച്ച് മാസങ്ങളായി തന്നെ അലട്ടുന്ന പരിക്കിൽ നിന്ന് മടങ്ങിവരുമെന്ന് പ്രതീക്ഷിക്കുന്നതിനാൽ സെർജിയോ റാമോസ് തന്റെ പുരോഗതി തന്നോട് പറഞ്ഞതായി റയൽ മാഡ്രിഡ് ഡിഫൻഡർ ഡാനി കാർവജാൽ പറയുന്നുണ്ട് .

“ഞങ്ങൾ അടുത്തിടെ സംസാരിച്ചിരുന്നു. പരിക്കിൽ നിന്നും തിരിച്ചുവരാനുള്ള അവസാന ഘട്ടത്തിനടുത്താണെന്ന് സെർജിയോ റാമോസ് എന്നോട് പറഞ്ഞു. അന്താരാഷ്ട്ര ഇടവേളയ്ക്ക് ശേഷം റാമോസ് കളിക്കുമെന്ന് ഞാൻ കരുതുന്നു. റാമോസ് ഭാഗ്യവാനാണോയെന്ന് നമുക്ക് നോക്കാം, റാമോസ് ഫുട്ബോൾ കളിക്കുന്നത് ഞങ്ങൾ വീണ്ടും ആസ്വദിക്കും. ” – കർവാജൽ പറഞ്ഞു.

അതേസമയം, കഴിഞ്ഞ കുറച്ച് ആഴ്‌ചകളിൽ PSG ഡിഫെൻഡർ പ്രെസ്‌നെൽ കിംപെംബെയ്ക്ക് മതിപ്പുളവാക്കുന്ന പ്രകടനം നടത്താൻ കഴിഞ്ഞിട്ടില്ല. ചാമ്പ്യൻസ് ലീഗിൽ RB ലീപ്‌സിഗിനെതിരെ സ്റ്റോപ്പേജ് ടൈമിൽ വഴങ്ങിയ പെനാൽറ്റിയാണ് അദ്ദേഹത്തിന്റെ മോശം ഫോമിന്റെ ഹൈലൈറ്റ് ആയി നിൽക്കുന്നത് . RB ലീപ്സിഗിന് പെനാൽറ്റി കിക്ക് അവസരം സ്കോർ ചെയ്യുകയും മത്സരം സമനിലയിലാക്കുകയും ചെയ്തു. ഇത് മൂന്ന് പോയിന്റുകൾ നേടുന്നതിൽ നിന്ന് PSGയെ തടയുകയും ചാമ്പ്യൻസ് ലീഗ് ഗ്രൂപ്പിൽ സിറ്റിക്ക് പിന്നിൽ രണ്ടാം സ്ഥാനത്തേക്ക് പിന്തള്ളിപ്പെടുകയും ചെയ്തു. ഇതെല്ലാം സെർജിയോ റാമോസിനെ PSG ടീമിലെ സ്ഥിരസാന്നിധ്യമാക്കാൻ സാധ്യതയായി കാണപ്പെടുന്നു.