ചിരവൈരികളായ കേരള ബ്ലാസ്റ്റേഴ്സ് എഫ്സിക്കെതിരെ ഹോം സ്റ്റേഡിയത്തിൽ കളിക്കാൻ ഒരുങ്ങുകയാണ് മുൻ ഐഎസ്എൽ ചാമ്പ്യൻമാരായ ബാംഗ്ലൂരു എഫ്സി.
മത്സരത്തിന് മുൻപായി നടന്ന പ്രെസ്സ് കോൺഫറൻസിൽ ബ്ലാസ്റ്റേഴ്സിനെതിരായ മത്സരത്തിന് തങ്ങളുടെ ടീം എല്ലാവിധ സന്നാഹങ്ങളുമായി എത്തുമെന്ന് ബാംഗ്ലൂരു എഫ്സി കോച്ച് സൂചിപ്പിച്ചു.
“സമീപകാല ഫലങ്ങളും പ്രകടനങ്ങളും കൊണ്ട് ഞങ്ങൾ നല്ല മാനസികാവസ്ഥയിലാണ്, കളിക്കാർക്ക് നല്ല ആത്മവിശ്വാസമുണ്ട്. നമ്മൾ ആഗ്രഹിക്കുന്നിടത്ത് എത്താനുള്ള മറ്റൊരു വലിയ ചുവടുവെപ്പാണ് നാളെ. ഇത് അവിശ്വസനീയമായ അന്തരീക്ഷമാകുമെന്ന് ഞാൻ പ്രതീക്ഷിക്കുന്നു.”
“ക്യാമ്പിൽ നല്ല മാനസികാവസ്ഥയുണ്ട്. താരങ്ങൾ നന്നായി പരിശീലിക്കുകയും സുഖം പ്രാപിക്കുകയും ചെയ്തു. ഈ അവസാന മൂന്ന് മത്സരങ്ങൾ വളരെ രസകരമാകും, സീസണിന്റെ ബാക്കി ഭാഗങ്ങളിൽ ഞങ്ങൾക്ക് വലിയ പങ്കുവഹിച്ചേക്കാൻ കഴിഞ്ഞേക്കാം.” – സിമോൻ ഗ്രെയ്സൻ പറഞ്ഞു.
അതേസമയം ഇന്ത്യൻ സൂപ്പർ ലീഗ് മത്സരങ്ങളുടെ ലൈവ് സംപ്രേക്ഷണം സ്റ്റാർ സ്പോർട്സ്, ഡിസ്നി, ജിയോ ടിവി, ഹോട്സ്റ്റാർ എന്നിവയിൽ ലഭ്യമാണ്. കൂടാതെ മലയാളം കമന്ററിയോട് കൂടി ഏഷ്യാനെറ്റ് പ്ലസിലും കാണാനാവും.
കേരള ബ്ലാസ്റ്റേഴ്സ് ടീമിന്റെ പ്രെസ്സ് കോൺഫറൻസ് വീഡിയോ ഇതാ :