കേരള ബ്ലാസ്റ്റേഴ്സിന്റെ പുതിയ വിദേശ താരമായ അപോസ്റ്റോലാസ് ജിയാനു യു എ ഇ യിൽ പ്രീസീസൺ പരിശീലനം നടത്തുന്ന കേരള ബ്ലാസ്റ്റേഴ്സ് ടീമിനോടൊപ്പം ചേർന്നു.
32-കാരനായ ഗ്രീക്ക്-ഓസ്ട്രേലിയൻ താരം യു എ ഇ യി ലെത്തി ടീമിനോടൊപ്പം ചേരുന്ന വീഡിയോ ഇപ്പോൾ കേരള ബ്ലാസ്റ്റേഴ്സ് തങ്ങളുടെ സോഷ്യൽ മീഡിയയിൽ പങ്കുവെച്ചിട്ടുണ്ട്.
ഓസ്ട്രേലിയ, ഗ്രീക്ക് ദേശീയ ടീമുകൾക്ക് വേണ്ടി ബൂട്ട് കെട്ടിയ മുന്നേറ്റ നിര താരത്തെ എ ലീഗ് ക്ലബ്ബ് മകാർതറിൽ നിന്നാണ് കേരള ബ്ലാസ്റ്റേഴ്സ് സ്വന്തമാക്കുന്നത്.
1.85 മീറ്റർ ഉയരുമുള്ള അപോസ്റ്റോലാസ് ജിയാനുവാണ് കേരള ബ്ലാസ്റ്റേഴ്സിന്റെ ഏക വിദേശ മുന്നേറ്റ നിര താരം. കേരള ബ്ലാസ്റ്റേഴ്സ് നിരവധി നേട്ടങ്ങൾ ജിയാനുവിനോപ്പം നേടുമെന്ന വിശ്വാസത്തിലാണ് ബ്ലാസ്റ്റേഴ്സ് ആരാധകർ.