Sanu
കേരള ബ്ലാസ്റ്റേഴ്സ് ക്ലബ്ബ്‌ എന്നത് തന്നെ സംബന്ധിച്ചിടത്തോളം വികാരമാണെന്നും, കേരള ബ്ലാസ്റ്റേഴ്സ് ക്ലബ്ബിലെത്തുന്നത് സ്വപ്ന സാക്ഷാൽകാരമായിരുന്നുവെന്നും വെളിപ്പെടുത്തി ബ്ലാസ്റ്റേഴ്സ് താരം.
കേരള ബ്ലാസ്റ്റേഴ്സ് 3 വർഷം നീളുന്ന പുതിയ കരാർ തനിക്കു ഓഫർ ചെയ്തപ്പോൾ തന്നെ ക്ലബ്ബിന് തന്നിൽ വിശ്വാസവും പ്രതീക്ഷയും ഏറെയുണ്ടെന്ന് അനുഭവപ്പെട്ടതായും മലയാളി താരമായ ബിജോയ്‌ വർഗീസ് പറഞ്ഞു.
മൂന്ന് വർഷത്തെ കരാർ ഇന്ത്യൻ ഫുട്ബോളിന്റെ നിലവാരമനുസരിച്ച് നീണ്ടതാണ്. അത് തീർച്ചയായും ക്ലബ്ബിന് നിങ്ങളിലുള്ള വിശ്വാസത്തിന്റെ അടയാളമാണ്. നിങ്ങൾ കരാർ ഒപ്പിട്ടപ്പോൾ നിങ്ങളിൽ നിന്ന് എന്താണ് പ്രതീക്ഷിക്കുന്നതെന്ന് കേരള ബ്ലാസ്റ്റേഴ്സ് നിങ്ങളോട് പറഞ്ഞോ? എന്ന ചോദ്യത്തിന് മറുപടി നൽകുകയായിരുന്നു താരം.
“കേരള ബ്ലാസ്റ്റേഴ്സ് അങ്ങനെയൊന്നും പറഞ്ഞില്ലെങ്കിലും അവർ എന്നെ വിശ്വസിക്കുന്നുവെന്നും എന്നിൽ വലിയ പ്രതീക്ഷയുണ്ടെന്നും എനിക്ക് തോന്നി. ഇത് എന്റെ ക്ലബ്ബായതിനാൽ മൂന്ന് വർഷത്തേക്ക് എന്റെ കരാർ നീട്ടുന്നതിൽ ഞാൻ സന്തോഷവാനാണ്. എനിക്ക് അതിനെക്കുറിച്ച് അധികം ചിന്തിക്കേണ്ടി വന്നില്ല, ഞാൻ ഉടനെ കരാർ ഒപ്പുവച്ചുവെന്ന് മാത്രം.”
“കേരള ബ്ലാസ്റ്റേഴ്സ് എനിക്ക് ഒരു വികാരമാണ്. കേരള ബ്ലാസ്റ്റേഴ്‌സിന്റെ മത്സരങ്ങൾ ഞാൻ എപ്പോഴും വീട്ടിലിരുന്ന് കാണാറുണ്ടായിരുന്നു. ഈ ഉയരങ്ങളിൽ എത്താൻ ഞാൻ ആഗ്രഹിച്ചിരുന്നു, പക്ഷേ അത് യഥാർത്ഥത്തിൽ കേരള ബ്ലാസ്റ്റേഴ്സിനൊപ്പം ചെയ്യുമെന്ന് ഒരിക്കലും പ്രതീക്ഷിച്ചിരുന്നില്ല, എനിക്കിത് ഒരു സ്വപ്ന സാക്ഷാത്കാരമാണ്.” – ബിജോയ്‌ പറഞ്ഞു.
