ആ തീരുമാനം യുണൈറ്റഡ് ചെയ്ത വലിയ ഒരു മണ്ടത്തരമായിപ്പോയി

ബെൻഫിക്കയിൽ നിന്ന് മാഞ്ചസ്റ്റർ സിറ്റിയിലേക്ക് പോകുന്നതിന് രണ്ട് വർഷം മുമ്പ് റൂബൻ ഡയസിനെ ടീമിൽ എത്തിക്കാൻ മുൻമാഞ്ചസ്റ്റർ യുണൈറ്റഡ് പരിശീലനകൺ ജോസ് മൗറീഞ്ഞോ മാഞ്ചസ്റ്റർ യുണൈറ്റഡിനോട് ആവശ്യപ്പെട്ടിരുന്നു എന്നു റിപ്പോർട്ട്

2018 സമ്മർ ട്രാൻസ്ഫർ വിൻഡോയിൽ സെന്റർ ബാക്ക് ടാർഗെറ്റുകളിൽ ഉൾപ്പെടുത്തി മൗറീഞ്ഞോ ഡയസിനെ ഷോർട്ട്‌ലിസ്റ്റ് ചെയ്തതായി മാഞ്ചസ്റ്റർ ഈവനിംഗ് ന്യൂസ് റിപ്പോർട്ട് ചെയ്യുന്നു, എന്നാൽ യുണൈറ്റഡ് മൗറീഞ്ഞോയുടെ എല്ലാ നിർദ്ദേശങ്ങളും തള്ളിക്കളഞ്ഞു.

ബെൻഫിക്കയിലെ കോൺടാക്റ്റുകൾ മുഖേന മൗറീഞ്ഞോയ്ക്ക് പോർച്ചുഗൽ ഇന്റർനാഷണൽ താരം ഡയസിനെക്കുറിച്ച് നല്ല അറിവുണ്ടായിരുന്നു. അത് കൂടാതെ അതിന് പുറമെ ഡയസിനെ പ്രതിനിധീകരിക്കുന്ന ഏജന്റ് ജോർജ്ജ് മെൻഡിസ് വഴിയും മൗറീഞ്ഞോക്ക് താരത്തിനെ പറ്റി അറിവ് ഉണ്ടായിരുന്നു.

യുണൈറ്റഡ് ആദ്യം താൽപ്പര്യം കാണിച്ച സമയത്ത് കേവലം 21 വയസായിരുന്നു ഡയസിന് പ്രായം. 2017 ചാമ്പ്യൻസ് ലീഗ് ഗ്രൂപ്പ് ഘട്ടത്തിൽ അവർക്കെതിരെ രണ്ടുതവണ റൂബൻ ഡയസ് കളിച്ചു. 2017 ൽ യുണൈറ്റഡ് ബെൻഫിക്കയിൽ നിന്ന് വിക്ടർ ലിൻഡെലോഫിനെ വാങ്ങിയ വാങ്ങിയതിനുശേഷം രണ്ട് ക്ലബ് സ്കൗട്ടുകൾ ഡയസിനെ കണ്ടു, എന്നാൽ കൂടുതൽ തെളിയിക്കപ്പെട്ട സെന്റർ ബാക്കിനെ ഒപ്പിടാൻ മാത്രമേ റിക്രൂട്ട്‌മെന്റ് ഡിപ്പാർട്ട്‌മെന്റിന് താല്പര്യമുണ്ടായിരുന്നുള്ളൂ.

24 കാരനായ ഡയസിനെ വ്യാഴാഴ്ച ഫുട്ബോൾ റൈറ്റേഴ്സ് അസോസിയേഷൻ പ്ലെയർ ഓഫ് ദ ഇയർ ആയി തിരഞ്ഞെടുത്തു, കൂടാതെ പ്രൊഫഷണൽ ഫുട്ബോളേഴ്സ് അസോസിയേഷൻ അവാർഡ് താരത്തിന് ലഭിക്കുമെന്നാണ് പ്രതീക്ഷിക്കുന്നത്. ഇന്ന് ഒരു മികച്ച സെന്റർ ബാക്കിന്റെ അഭാവം അനുഭവിക്കുന്ന യുണൈറ്റഡ് അന്ന് റൂബനെ ടീമിൽ എത്തിച്ചിരുന്നു എങ്കിൽ ബ്രൂണോ ഫെർണാണ്ടസിനെ പോലെ മികച്ച ഒരു സൈനിങ് ആകുമായിരുന്നു