Sanu
നിരവധി യൂറോപ്യൻ വമ്പൻമാരുടെ താൽപ്പര്യം ഉണ്ടെങ്കിലും കൈലിയൻ എംബാപ്പെയ്‌ക്കൊപ്പം എർലിംഗ് ഹാലൻഡ് റിയൽ മാഡ്രിഡിൽ തികച്ചും അനുയോജ്യനാകുമെന്ന് ബയേൺ മ്യൂണിക്ക് ഇതിഹാസം ലോതർ മത്തൗസ്.
എംബാപ്പെയെ പോലെ ഏർലിംഗ് ഹാലാൻഡ് ഇന്ന് ഫുട്‌ബോളിലെ ഏറ്റവും മൂല്യമേറിയ താരങ്ങളിലൊരാളാണ്. ഫുട്ബോളിന്റെ ട്രാൻസ്ഫർ മാർക്കറ്റിൽ നിറഞ്ഞു നിൽക്കുന്ന ഈ താരങ്ങൾ വരാനിരിക്കുന്ന സമ്മർ ട്രാൻസ്ഫർ വിൻഡോയിൽ ഒരു പുതിയ ക്ലബിലേക്ക് മാറുന്നത് ചിലപ്പോൾ കാണാൻ കഴിഞ്ഞേക്കും. കൂടാതെ, ഏർലിംഗ് ഹാലൻഡ് റിയൽ മാഡ്രിഡിന് അനുയോജ്യമാകുമെന്ന് മത്തൗസ് വിശ്വസിക്കുന്നുണ്ട് .
” റോബർട്ട് ലെവൻഡോവ്‌സ്‌കിക്ക് ശേഷം ഹാലൻഡ് ചിലപ്പോൾ ബയേണിൽ അവസാനിച്ചേക്കാം. പക്ഷേ, റിയൽ മാഡ്രിഡിൽ കൈലിയൻ എംബാപ്പെയ്‌ക്കൊപ്പം ഹാലൻഡ് നന്നായി യോജിക്കും.”- എന്നാണ് മത്തൂസ് മാർക്കയോട് പറഞ്ഞത്.
ഹാലൻഡിനും എംബാപ്പെയ്ക്കും വേണ്ടി റിയൽ മാഡ്രിഡിന് നിരവധി കളിക്കാരെ ഓഫ്‌ലോഡ് ചെയ്യേണ്ടിവരും, കൂടാതെ ഈഡൻ ഹസാർഡ്, ഗാരെത് ബെയ്ൽ, ഇസ്കോ തുടങ്ങിയ കളിക്കാർ ഈ വരുന്ന സമ്മർ ട്രാൻസ്ഫറിൽ ക്ലബ് വിട്ടേക്കുമെന്ന റിപ്പോർട്ടുകൾ ഉണ്ട്.
എന്തായാലും, ലോകഫുട്ബോളിനെ അടക്കി ഭരിക്കാൻ പോകുന്ന താരങ്ങൾ തന്നെയാണ് കയ്ലിയൻ എംബാപ്പെയും ഏർലിംഗ് ഹാലാൻഡും. റിയൽ മാഡ്രിഡിൽ വിനീഷ്യസ് ജൂനിയർ, റോഡ്രിഗോ ഗോസ് തുടങ്ങിയ യുവസൂപ്പർ താരങ്ങൾക്കൊപ്പം എംബാപ്പെയും ഹാലാൻഡും ഒന്നിക്കുകയാണെകിൽ അത്ഭുതപ്പെടേണ്ട കാര്യമില്ല, കാരണം ഇത് റിയൽ മാഡ്രിഡാണ്, ലോകഫുട്ബോളിലെ രാജാക്കന്മാർക്ക് തങ്ങളുടെ രാജസിംഹാസനം അലങ്കരിക്കാൻ കഴിവുള്ള താരങ്ങൾ തന്നെ വേണം.
