കൊഹ്‍ലിയെയും ബുംറയെയും നയിക്കാൻ സഞ്ജു; പിന്നാലെ വിമർശനം

കഴിഞ്ഞ ദിവസം പ്രമുഖ ക്രിക്കറ്റ് മാധ്യമമായ ക്രിക്ഇൻഫോ ഐപിഎൽ പതിനേഴാം സീസണിലെ മികച്ച ടീമിനെ പ്രഖ്യാപിച്ചിരുന്നു. ആരാധകരുടെ പ്രതീക്ഷയ്‌ക്കൊത്ത് ഉയർന്ന ടീം തന്നെയായിരുന്നു ക്രിക്ക് ഇൻഫോ പുറത്ത് വിട്ടത്. വിരാട് കോഹ്ലി, സുനിൽ നരേൻ, ജസ്പ്രീത് ബുംറ തുടങ്ങിയ താരങ്ങളൊക്കെ ടീമിൽ ഉൾപ്പെട്ടിട്ടുണ്ട്.

എന്നാൽ ഈ ടീമിനെതിരെ ചില ആരാധകർ സോഷ്യൽ മീഡിയയിൽ വിമർശനവും വിയോജിപ്പും അറിയിക്കുകയാണ്. വിമര്ശനത്തിനുള്ള പ്രധാന കാരണം ടീമിൽ രോഹിത് ശർമയോ, ധോണിയോ പർപ്പിൾ ക്യാപ് വിന്നർ ഹർഷൽ പട്ടേലും ഉൾപെടാത്തത് കൊണ്ടല്ല, മറിച്ച് ടീമിന്റെ നായകൻ സഞ്ജു സാംസൺ ആയത് കൊണ്ടാണ്.

ഓപ്പണര്‍മാരായി ആര്‍സിബി താരം വിരാട് കോലിയും കൊല്‍ക്കത്ത താരം സുനില്‍ നരെയ്നും ഇറങ്ങുമ്പോൾ മൂന്നാമനും ടീമിന്റെ നായകനും സഞ്ജുവാണ്. സഞ്ജുവിന്‍റെ സഹതാരം റിയാന്‍ പരാഗ് ആണ് നാലാം നമ്പറില്‍. നിക്കോളാസ് പുരാന്‍ അഞ്ചാമത് എത്തുമ്പോള്‍ ഡല്‍ഹി ക്യാപിറ്റല്‍സ് താരം ട്രൈസ്റ്റന്‍ സ്റ്റബ്സും കൊല്‍ക്കത്തയുടെ ആന്ദ്രെ റസലുമാണ് ഫിനിഷര്‍മാരായി ഇറങ്ങുന്നത്.

സ്പെഷലിസ്റ്റ് സ്പിന്നറായി ഡല്‍ഹിയുടെ കുല്‍ദീപ് യാദവ് ഇറങ്ങുമ്പോള്‍ കൊല്‍ക്കത്തയുടെ ഹര്‍ഷിത് റാണ, മുംബൈ ഇന്ത്യന്‍സിന്‍റെ ജസ്പ്രീത് ബുമ്ര, രാജസ്ഥാന്‍ റോയല്‍സിന്‍റെ സന്ദീപ് ശര്‍മ എന്നിവരാണ് പേസര്‍മാരായി ക്രിക് ഇന്‍ഫോയുടെ ഐപിഎല്‍ ഇലവനില്‍ ഇടം നേടിയത്.

എന്നാൽ ക്രിക്ക് ഇൻഫോയുടെ ടീമിൽ ജേതാക്കളായ കൊൽക്കത്തയുടെ നായകൻ ശ്രേയസ് അയ്യരെ ഉൾപ്പെടുത്താതോ ടീമിന്റെ നായകനാകാത്തതോ അല്ല പ്രധാന വിമർശനം, കോഹ്‌ലിയും ബുമ്രയും അടങ്ങുന്ന ടീമിൽ സഞ്ജുവിനെ എന്തിന് നായകനാക്കി എന്നതാണ് ചിലർ വിമർശനം ഉന്നയിക്കുന്നത്. എന്നാൽ ടീമിൽ നായകനായി സഞ്ജു ഉള്ളത് കൊണ്ടാണ് സഞ്ജുവിനെ നായകനാക്കിയത് എന്നതാണ് വസ്തുത. എന്നാൽ ഇതൊന്നും വക വെയ്ക്കാതെയാണ് പലരും വിമർശനം ഉന്നയിക്കുന്നത്.

https://www.facebook.com/photo.php?fbid=1021518296002553&set=a.818936646260720&type=3&ref=embed_post