Sanu
കേരള ബ്ലാസ്റ്റേഴ്സിന്റെ പ്രീ-സീസൺ എന്ന് തുടങ്ങുമെന്ന ആരാധകരുടെ സംശയങ്ങൾക്ക് ഉത്തരവുമായി aaveshamclub നിങ്ങളിലേക്കെത്തുകയാണ്. നേരത്തെ കേരള ബ്ലാസ്റ്റേഴ്‌സ് ഗോൾകീപ്പിങ് പരിശീലകനായ സ്ലാവൻ പ്രോഗോവെച്കിയിൽ നിന്ന് aaveshamclub ന് അറിയാൻ കഴിഞ്ഞത് ഓഗസ്റ്റ് 5-ന് ബ്ലാസ്റ്റേഴ്സിന്റെ പ്രീ-സീസൺ ആരംഭിക്കുമെന്നാണ്.
ഈയൊരു എസ്‌ക്ലൂസീവ് വാർത്തക്ക് ശക്തമായ പിൻബലം നൽകുന്ന വാക്കുകളാണ് കേരള ബ്ലാസ്റ്റേഴ്സിന്റെ പുതിയ വിദേശ സൈനിങ്ങായ സ്പാനിഷ് ഡിഫെൻഡർ വിക്ടർ മോംഗിൽ കേരള ബ്ലാസ്റ്റേഴ്‌സുമായുള്ള ഇൻസ്റ്റഗ്രാം ലൈവിനിടെ പറഞ്ഞത്.
ഓഗസ്റ്റ് 1-ന് താൻ കൊച്ചിയിലെത്തുമെന്നാണ് 29-കാരനായ വിക്ടർ മോംഗിൽ പറഞ്ഞത്. ഇത് വെച്ച് നോക്കുകയാണെങ്കിൽ നേരത്തെ കേരള ബ്ലാസ്റ്റേഴ്‌സ് ഗോൾകീപ്പിങ് പരിശീലകനിൽ നിന്നും aaveshamclub ന് കിട്ടിയ വാർത്ത സത്യമായേക്കും. എന്തായാലും ഇത്തവണ കേരള ബ്ലാസ്റ്റേഴ്സിന്റെ പ്രീ-സീസൺ മത്സരങ്ങൾ UAE -യിൽ വെച്ചാണ് അരങ്ങേറുന്നത്.
2022-2023 ISL സീസണിൽ കപ്പ്‌ നേടാൻ മാത്രമാണ് കേരള ബ്ലാസ്റ്റേഴ്‌സ് കച്ചകെട്ടി ഇറങ്ങുന്നത്. പല തവണ ഇടഞ്ഞിട്ടും ഇന്ത്യൻ ഫുട്ബോളിന്റെ രാജസിംഹാസനം കീഴടക്കാൻ കഴിയാത്ത കൊമ്പൻ ഇത്തവണ കിരീടമണിഞ്ഞു സിംഹാസനത്തിൽ ഇരിക്കുന്നത് കാണാനാണ് ബ്ലാസ്റ്റേഴ്‌സ് ആരാധകർ ആഗ്രഹിക്കുന്നത്.
