ഫുട്ബോൾ ലോകത്തെ ബദ്ധവൈരികളാണ് ബ്രസീലും അർജന്റീനയും. ഇരുവരും തമ്മിൽ പോരാട്ടം നടക്കുമ്പോൾ പലപ്പോഴും ടെലിവിഷൻ റേറ്റിങ്ങുകളടക്കം വലിയ രീതിയിൽ വർധിക്കാറുണ്ട്.
ഇരുവരും അവസാനമായി പോരാടിയത് 2021 നവംബർ 16 നാണ്. അന്ന് ഖത്തർ ലോകകപ്പ് യോഗ്യത മത്സരമായിരുന്നു നടന്നത്. ആ മത്സരം സമനിലയിൽ പിരിയുകയും ചെയ്തു.
അതിന് മുമ്പ് ഇരുവരും പോരാടിയത് 2021 ലെ കോപ്പ അമേരിക്കയിലാണ്. അന്ന് ഡി മരിയയുടെ ഗോളിൽ അർജന്റീന കിരീടം ഉയർത്തുകയും ചെയ്തു.
ഇപ്പോഴിതാ 2 വർഷങ്ങൾക്കുമിപ്പുറം ബ്രസീലും അർജന്റീനയും കൊമ്പ് കോർക്കുകയാണ്. 2026 ൽ അമേരിക്കയിൽ നടക്കുന്ന ലോകകപ്പ് യോഗ്യതയ്ക്കുള്ള സൗത്ത് അമേരിക്കൻ കാറ്റഗറിയിലാണ് ഇരുവരും ഏറ്റുമുട്ടുന്നത്.
2023 നവംബറിലാണ് സൗത്ത് അമേരിക്കൻ ലോകകപ്പ് യോഗ്യത മത്സരത്തിൽ ഇനി ബ്രസീലും അർജന്റീനയും ഏറ്റുമുട്ടുക. നവംബറിൽ ഏത് ദിവസമായിരിക്കും ഈ മത്സരം നടക്കുക എന്നത് പിന്നീട് പ്രഖ്യാപിക്കും.