ഇന്ത്യൻ സൂപ്പർ ലീഗിൽ ഈ വിന്റർ ട്രാൻസ്ഫർ വിൻഡോയിൽ എല്ലാ ഇന്ത്യൻ ഫുട്ബോൾ ആരാധകരും വളരെയധികം ആകാംക്ഷയോടെ കാത്തിരുന്നത് ലൂണയുടെ പകരക്കാരൻ വേണ്ടിയായിരുന്നു. ഇപ്പോളിത ആരാധകരുടെ കാത്തിരിപ്പിന് വിരാമം കുറിച്ചിരിക്കുകയാണ് ബ്ലാസ്റ്റേഴ്സ്.
കേരള ബ്ലാസ്റ്റേഴ്സ് ലൂണയുടെ പകരക്കാരനായി ലിത്വാനിയ നാഷണൽ ടീമിന്റെ ക്യാപ്റ്റനായ ഫെഡർ സെർനിച്ചിനെ സ്വന്തമാക്കിയിരിക്കുകയാണ്. ഈ സീസൺ അവസാനിക്കുന്ന വരെയുള്ള കരാറിലാണ് ബ്ലാസ്റ്റേഴ്സ് താരത്തെ സ്വന്തമാക്കിയിരിക്കുന്നത്.
32 കാരനായ ലിത്വാനിയൻ ഫോർവേഡ് യൂറോപ്യൻ ഫുട്ബോളിലെ ശ്രദ്ധേയ സാന്നിധ്യമാണ്, വിവിധ ലീഗുകളിൽ തന്റെ കഴിവുകളും ഗോൾ സ്കോറിംഗ് വൈദഗ്ധ്യവും പ്രകടിപ്പിച്ചുട്ടുള്ള താരം കൂടിയാണ് ഫെഡർ.
𝐂𝐚𝐩𝐭𝐚𝐢𝐧 𝐋𝐢𝐭𝐡𝐮𝐚𝐧𝐢𝐚 𝐈𝐬 𝐇𝐞𝐫𝐞! 🇱🇹🟡
— Kerala Blasters FC (@KeralaBlasters) January 10, 2024
Yellow Army, join us in welcoming our latest addition, Fedor Černych. The Lithuanian National Team Captain joins the Blasters family till the end of the season! 🤝⚽
The transfer is subject to a medical which will be… pic.twitter.com/PKaKU7Rgag
ലൈമസോൾ ക്ലബ്ബായ അത്ലിറ്റികി എനോസി ലെമെസോ എന്ന ക്ലബ്ബിൽ നിന്നുമാണ് ബ്ലാസ്റ്റേഴ്സ് താരത്തെ സ്വന്തമാക്കിയിട്ടുള്ളത്. എന്തിരുന്നാലും താരത്തിന്റെ വരവോടെ ബ്ലാസ്റ്റേഴ്സിന് ലൂണയുടെ അഭാവം നികത്താൻ കഴിയുമെന്ന പ്രതിക്ഷയിലാണ് ആരാധകർ.