ഇന്ത്യൻ സൂപ്പർ ലീഗിന് മുന്നോടിയായി നടന്ന പ്രീസീസൺ സൗഹൃദ മത്സരത്തിൽ എഫ്സി ഗോവയെ അവരുടെ പരിശീലന മൈതാനത്തു വെച്ച് സമനിലയിൽ കുടുക്കി ജംഷഡ്പൂർ എഫ്സി.
ഇന്ന് വൈകുന്നേരം നടന്ന സൗഹൃദ മത്സരത്തിലാണ് തുല്യശക്തരായ ഇരുടീമുകളും ഓരോ ഗോൾ വീതം നേടി സമനില പാലിച്ചത്.
എഫ്സി ഗോവയുടെ പരിശീലന മൈതാനമായ സാൽവ ഡോർ മുണ്ടോ ഗ്രൗണ്ടിൽ നടന്ന മത്സരത്തിൽ എഫ്സി ഗോവ vs ജംഷഡ്പൂർ എഫ്സി മത്സരം കാണാൻ കാണികൾക്ക് പ്രവേശനം ഉണ്ടായിരുന്നു.
മത്സരത്തിന്റെ ആദ്യ പകുതിയിൽ മുൻ കേരള ബ്ലാസ്റ്റേഴ്സ് സ്പാനിഷ് താരമായിരുന്ന അൽവരോ വസ്കസ് നേടുന്ന ഗോളിൽ ലീഡ് നേടിയ ഗോവക്കെതിരെ രണ്ടാം പകുതിയിൽ ജർമൻ പ്രീത് സിങ് നേടുന്ന ഗോളിൽ ജംഷഡ്പൂർ എഫ്സി സമനില നേടിയെടുക്കുകയായിരുന്നു.
അടുത്ത മാസം തുടങ്ങുന്ന ഇന്ത്യൻ സൂപ്പർ ലീഗ് പുതിയ സീസണിൽ കിരീടം തേടിയാണ് എഫ്സി ഗോവയും ജംഷഡ്പൂർ എഫ്സിയും കുപ്പായമണിയുന്നത്. 2023 മാർച്ച് മാസത്തിലാണ് ഇന്ത്യൻ സൂപ്പർ ലീഗ് പ്ലേ ഓഫ് മത്സരങ്ങൾ അരങ്ങേറുന്നത്.