Sanu
കേരള ബ്ലാസ്റ്റേഴ്‌സ് ക്ലബ്ബിന് വേണ്ടി ഇനിയും ഒരുപാട് വർഷങ്ങൾ കളിക്കണമെന്നും ഈ ക്ലബ്ബിന് വേണ്ടി കളിക്കുകയല്ലാതെ മറ്റൊന്നും താൻ ഇപ്പോൾ ആലോചിക്കുന്നില്ലെന്ന് കേരള ബ്ലാസ്റ്റേഴ്‌സിന്റെ മലയാളി താരമായ ബിജോയ്‌ വർഗീസ്.
2021-22 സീസണിന് ശേഷം, ഒരു പുതിയ ഡീൽ നിങ്ങളെ തേടി വന്നു. ചർച്ചകളും ഒടുവിൽ കരാർ ഒപ്പിടലും എങ്ങനെയാണ് ഉണ്ടായത്? എന്ന ചോദ്യത്തിനാണ് ഈയിടെ നടന്ന ഒരു ഇന്റർവ്യൂവിവിനിടെ താരം മറുപടി നൽകുന്നത്.
“കഴിഞ്ഞ വർഷം ഞാൻ റിസർവ് ടീമുമായി കരാറിലായിരുന്നു. സീസൺ അവസാനത്തോടെ എന്റെ കരാർ തീരുമെന്നതിനാൽ എനിക്കൊരു പുതിയ കരാർ നൽകുമെന്ന് ഐഎസ്എല്ലിലെ ആദ്യ മത്സരത്തിന് ശേഷം എന്നോട് പറഞ്ഞു.”
“കരോലിസ് സ്കിൻസ്കിസ് എന്നെ ബന്ധപ്പെട്ടു, എന്റെ ഡീൽ നീട്ടാൻ ആഗ്രഹിക്കുന്നുണ്ടോ എന്ന് ചോദിച്ചു, ഞാൻ അതെ എന്ന് പറഞ്ഞു. എന്റെ ഏജന്റിന്റെ സഹായത്തോടെ, സീസൺ അവസാനത്തോടെ ഞാൻ ഒരു പുതിയ കരാറിൽ ഒപ്പുവച്ചു.”
“കേരള ബ്ലാസ്റ്റേഴ്സിനായി തുടർന്നും കളിക്കണമെന്നാണ് എന്റെ വ്യക്തിപരമായ ആഗ്രഹം. എനിക്ക് മറ്റ് ക്ലബ്ബുകൾ ഇഷ്ടമല്ലെന്ന് ഞാൻ പറയുന്നില്ല, ഭാവിയിൽ എന്റെ സാഹചര്യം അനുസരിച്ച് എനിക്ക് മുന്നോട്ട് പോകേണ്ടി വന്നേക്കാം. എന്നാൽ കേരളത്തിൽ നിന്നുള്ള ഒരാളെന്ന നിലയിൽ എനിക്ക് കേരളത്തിനായി കളിക്കാനാണ്‌ ആഗ്രഹം. എനിക്ക് ഇവിടെ നിൽക്കണം, മറ്റെവിടെയും പോകാൻ ഞാൻ ആഗ്രഹിക്കുന്നില്ല.” – ബിജോയ്‌ വർഗീസ് പറഞ്ഞു.
