ഇന്ത്യൻ സൂപ്പർ ലീഗിന്റെ വരാൻ പോകുന്ന സീസണിൽ തങ്ങളുടെ വ്യക്തമായ ആധിപത്യം പുലർത്താൻ മികച്ച താരങ്ങളെ തന്നെ അണിനിരത്തി, മികച്ച സ്ക്വാഡിനെ അണിയിച്ചൊരുക്കി, മികച്ച ടീമുമായ്, ഇന്ത്യൻ സൂപ്പർ ലീഗ് കിരീടം നേടാൻ ജംഷഡ്പൂർ അണിയറയിൽ ഒരുക്കങ്ങൾ വളരെ ഭംഗിയായി നടത്തുന്നുണ്ട്.
2022-2023 സീസണിലേക്കുള്ള ജംഷഡ്പൂർ ടീമിന്റെ ഭാഗമായി ബ്രസീലുകാരനായ വെല്ലിങ്ടൺ പ്രിയോരിയുടെ വിദേശ സൈനിങ് ജംഷഡ്പൂർ എഫ്സി തങ്ങളുടെ ഒഫീഷ്യൽ സോഷ്യൽ മീഡിയ പ്ലാറ്റ്ഫോമുകളിലൂടെ പ്രഖ്യാപിച്ചു.
നേരത്തെ 2016-2017 ISL സീസണിൽ നോർത്ത് ഈസ്റ്റ് യുണൈറ്റഡിന് വേണ്ടി ഐ. എസ്.എൽ അരങ്ങേറ്റം കുറിച്ച ഈ മിഡ്ഫീൽഡർ 2018 ൽ ജംഷഡ്പൂർ എഫ്. സിക്ക് വേണ്ടിയും പന്ത് തട്ടിയിരുന്നു.
2018 സീസണിന് ശേഷം ജംഷഡ്പൂർ ക്ലബ്ബിനോട് വിട പറഞ്ഞ ശേഷം വിവിധ ക്ലബ്ബുകൾക്ക് വേണ്ടി ബൂട്ടണിഞ്ഞ ശേഷമാണ് 32-കാരനായ 1.90 മീറ്റർ ഉയരമുള്ള വെല്ലിങ്ടൺ പ്രിയോരി 4 വർഷത്തിനിപ്പുറം വീണ്ടും ജംഷഡ്പൂർ എഫ്സി കുപ്പായമണിയാൻ പോകുന്നത്.
2018 ഇന്ത്യൻ സൂപ്പർ ലീഗ് സീസണിൽ ജംഷഡ്പൂർ എഫ്. സിയുടെ കുപ്പായത്തിൽ അന്ന് വെല്ലിങ്ടൺ പ്രിയോരി നേടിയ ഒരു മനോഹര ബൈസികിൾ കിക്ക് ഗോൾ ഇന്നും ISL ന്റെ ചരിത്ര പുസ്തകത്തിൽ ഇടം നേടുന്നതാണ്.