Abhilal
വരാനിരിക്കുന്ന ഇംഗ്ലണ്ട് പര്യടനത്തിന് മുന്നോടിയായി കൊറന്റൈനിൽ കഴിയുന്ന ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്ലി ശനിയാഴ്ച ആരാധകരുമായി ഇൻസ്റ്റാഗ്രാമിൽ ചോദ്യോത്തര സെഷൻ നടത്തിയിരുന്നു.
ഇതിനിടെ ആരാധകരുടെ നിരവധി ചോദ്യങ്ങൾക്ക് ഇന്ത്യൻ ക്യാപ്റ്റൻ മറുപടി നൽകി. അപ്പോഴാണ് കോഹ്ലിയുടെ ഗൂഗിൾ സെർച്ചിനെ കുറിച്ച് ഒരു ചോദ്യം ഉയർന്നത്.
“നിങ്ങൾ ഗൂഗിൾ സെർച്ച് ചെയ്ത അവസാനത്തെ കാര്യം എന്താണ്?” എന്നായിരുന്നു ആ ചോദ്യം “ക്രിസ്റ്റ്യാനോ റൊണാൾഡോയുടെ ട്രാൻസ്ഫർ” എന്ന് കോഹ്ലി മറുപടി നൽകി. ഈ ഉത്തരം കോഹ്ലിയുടെ ഫുട്ബോളിനോടുള്ള താൽപ്പര്യവും വെളിപ്പെടുത്തി.
നിലവിൽ ലോക ഫുട്ബോളിലെ ഏറ്റവും ചർച്ചാവിഷയമായ വിഷയങ്ങളിലൊന്നാണ് – യുവന്റസിലെ റൊണാൾഡോയുടെ ഭാവി.
എന്നാൽ വിരാട് കോഹ്ലിയെപ്പറ്റി നന്നായി അറിയുന്നവർക്ക് ഈ മറുപടിയിൽ അധികാമെന്നും ആശ്ചര്യം ഉണ്ടാകാൻ ഇടയില്ല. കാരണം കോഹ്ലിക് ഫുട്ബാളിനോട് ഉള്ള താൽപ്പര്യവും ക്രിസ്റ്റ്യാനോ റൊണാൾഡോയുടുള്ള ആരാധനയും ഏറെ പ്രശസ്തമാണ്.
മുമ്പ് ഫിഫ.കോമിനു അഭിമുഖത്തിൽ റൊണാൾഡോ തന്റെ പ്രിയപ്പെട്ട ഫുട്ബോൾ കളിക്കാരനാണെന്നും അദ്ദേഹത്തിന്റെ പ്രതിബദ്ധതയും പ്രവർത്തന നൈതികതയും സമാനതകളില്ലെന്നും അദ്ദേഹം വെളിപ്പെടുത്തിയിരുന്നു.
രണ്ട് മാസത്തെ നീണ്ട പര്യടനത്തിനായി കോഹ്ലിയും മറ്റ് ഇന്ത്യൻ ടെസ്റ്റ് ടീമും ഇംഗ്ലണ്ടിലേക്ക് പറക്കും. ഇതിൽ ആറ് ടെസ്റ്റുകൾ ഉൾപ്പെടുന്നു – ന്യൂസിലൻഡിനെതിരായ ഡബ്ല്യുടിസി ഫൈനലും ഇംഗ്ലണ്ടിനെതിരായ അഞ്ച് മത്സരങ്ങളും.
ജൂൺ 18 മുതൽ സതാംപ്ടണിലെ അഗാസ് ബൗളിൽ ന്യൂസിലൻഡിനെതിരായ ലോക ടെസ്റ്റ് ചാമ്പ്യൻഷിപ്പിൽ ഇന്ത്യ ഏറ്റുമുട്ടും.
ഡബ്ല്യുടിസി ഫൈനലിന് ശേഷം ആതിഥേയരായ ഇംഗ്ലണ്ടിനെതിരായ അഞ്ച് ടെസ്റ്റ് പരമ്പരയും ഓഗസ്റ്റ് 4 മുതൽ സെപ്റ്റംബർ 14 വരെ നടക്കും.
റിസർവ് താരങ്ങൾ ആയ അഭിമന്യു ഈശ്വരൻ, പ്രസീദ് കൃഷ്ണ, അവേഷ് ഖാൻ, അർസാൻ നാഗ്വാസ്വല്ല എന്നിവർ ഉൾപ്പെടെ 20 അംഗ ടീമിനെ പ്രഖ്യാപിച്ചു.
CONTENT SUMMARY: Virat Kohli’s Last Google Search Has A Cristiano Ronaldo Connection
