Sanu
കേരള ബ്ലാസ്റ്റേഴ്‌സ് ക്ലബ്ബിനോടൊപ്പം ഇനിയും ഒരുപാട് കാലം കളിക്കാൻ ആഗ്രഹമുണ്ടെന്ന കാര്യം പങ്കുവെച്ച് കേരള ബ്ലാസ്റ്റേഴ്സിന്റെ ന്യൂ സൈനിങായ ഗ്രീക്ക്-ഓസ്ട്രേലിയൻ താരം അപോസ്‌റ്റോലാസ് ജിയാനു.
ഈയിടെ നടന്ന ഒരു അഭിമുഖത്തിലാണ് ഭാവിയെ കുറിച്ച് ചോദിച്ചപ്പോൾ ജിയാനു ബ്ലാസ്റ്റേഴ്സിൽ തുടരാനുള്ള ആഗ്രഹം പ്രകടിപ്പിച്ചത്. കേരള ബ്ലാസ്റ്റേഴ്‌സ് ടീം ഒരു ഫാമിലിയെ പോലെയാണെന്നും 32-വയസുകാരൻ കൂട്ടിച്ചേർത്തു.
“കേരള ബ്ലാസ്റ്റേഴ്സിനോടൊപ്പം ഒരു വർഷത്തിൽ കൂടുതൽ ഇവിടെ നിൽക്കാൻ കഴിയുമെന്ന് പ്രതീക്ഷിക്കുന്നു. ഇവിടെ വളരെ കംഫർട്ടബിളാണ്, ഒരു ഫാമിലിയെ പോലെ.. കോച്ചിങ്ങും ടീം കളിക്കുന്ന രീതിയുമെല്ലാം വളരെ പോസിറ്റീവാണ്.” – ജിയാനു പറഞ്ഞു.
ഓസ്ട്രേലിയൻ ദേശീയ ടീം താരമായ അപോസ്‌റ്റോലാസ് ജിയാനു എ ലീഗ് ക്ലബ്ബായ മക്കാർതർ എഫ്സിയിൽ നിന്നുമാണ് കേരള ബ്ലാസ്റ്റേഴ്‌സിലേക്ക് ഏഷ്യൻ കോട്ടയിൽ എത്തുന്നത്. ആദ്യ മത്സരത്തിൽ മിന്നിതിളങ്ങാനായില്ലെങ്കിലും സീസണിൽ ബ്ലാസ്റ്റേഴ്‌സ് ആരാധകരുടെ ഇഷ്ടം കൂടുതൽ നേടിയെടുക്കുവാൻ ജിയാനുവിന് കഴിഞ്ഞേക്കും.
