Abhishek
എല്ലാ ഇന്ത്യൻ ഫുട്ബോൾ ആരാധകരും ഇന്ത്യൻ സൂപ്പർ ലീഗിനായുള്ള കാത്തിരിപ്പിലാണ്. ഇതിനു ഭാഗമായി വമ്പൻ കൂടുമാറ്റങ്ങളാണ് ട്രാൻസ്ഫർ വിൻഡോയിൽ നടക്കുന്നത്. ഇന്ത്യൻ സൂപ്പർ ലീഗിന്റെ ഇടയിളും അധികം ആരും ശ്രദ്ധിക്കാതെ പോവുന്ന ടൂർണമെന്റാണ് ഐ-ലീഗ്.
ഐ-ലീഗിലും വമ്പൻ ട്രാൻസ്ഫറുകളാണ് ട്രാൻസ്ഫർ വിൻഡോയിൽ നടക്കുന്നത്.ഒട്ടേറെ പരിചയ സമ്പനമായ വിദേശ താരങ്ങളാണ് ഐ-ലീഗ് ക്ലബ്ബിലെത്തുന്നത്. അത്തരമൊരു ട്രാൻസ്ഫറാണ് വാർത്തയാണ് ഇപ്പോൾ പുറത്ത് വരുന്നത്.
ലഭിക്കുന്ന റിപ്പോർട്ടുകൾ പ്രകാരം ഐഎസ്എലിൽ ചെന്നൈ എഫ്സി, ജംഷഡ്പൂർ എഫ്സി എന്നി ക്ലബ്ബുകൾക്ക് വേണ്ടി കളിച്ച ബ്രസീലിയൻ പ്രതിരോധ താരം എലി സാബിയയെ സ്വന്തമാക്കിയിരിക്കുകയാണ് ഐ-ലീഗ് വമ്പന്മാരായ ശ്രീനിധി ഡെക്കാൻ.
ഒരു സീസൺ നീളുന്ന കരാറിലാണ് താരം ഒപ്പിട്ടിരിക്കുന്നത്. താരം ഇന്ത്യൻ സൂപ്പർ ലീഗിൽ 100ഓളം മത്സരങ്ങൾ കളിച്ചിട്ടുണ്ട്. 149 ഇന്റർസെപ്ഷൻ , 525 ക്ലിയറൻസുകൾ, മൂന്ന് ഗോളുകൾ, മൂന്ന് അസിസ്റ്റുകൾ എന്നിവയും താരം ഐഎസ്എലിൽ നേടിയിട്ടുണ്ട്.
